Elimizde 2025 jyl "Jumysshy mamandyqtar jyly" dep jarıalandy. Bul bastama jumysshy mamandyqtarynyń mańyzdylyǵyn arttyrýǵa, jastardy osy salaǵa tartýǵa jáne eńbek naryǵynda suranysqa ıe mamandyqtar boıynsha bilikti kadrlardy daıarlaýǵa baǵyttalǵan.
Qazirgi tańda tehnıkalyq jáne kásiptik bilim berý salasynda quziretti mamandardy daıarlaý – elimizdiń ındýstrıaldy-ınnovasıalyq damý strategıasynyń basty baǵyttarynyń biri. Ásirese avtokólik jóndeý jáne qyzmet kórsetý salasyndaǵy mamandardyń biliktiligin arttyrý, olardyń zamanaýı tehnologıalardy meńgerýine múmkindik berý – eńbek naryǵyndaǵy suranysty qanaǵattandyrýdyń negizgi sharty.
Almaty elektromehanıka kolejinde jumysshy mamandyqtarynyń biri «Avtomobıl kóligine tehnıkalyq qyzmet kórsetý, jóndeý jáne paıdalaný» mamandyǵy keńinen oqytylady. Bul mamandyqty ıgrýde sheberhana meńgerýshileriniń róli orasań.
Avtokólik shanaǵyn qalpyna keltirý – joǵary dáldikti, biliktilikti jáne tájirıbeni qajet etetin kúrdeli proses. Bul baǵytta maman tek jóndeý jumystaryn júrgizip qana qoımaı, stýdentterdi osy kásipke baýlyp, olarǵa zamanaýı ádisterdi úıretedi. Jańa tehnologıalar men materıaldardy qoldana otyryp, oqytý prosesin jaqsartýda. Sheberhana meńgerýshisi tek bilim berip qana qoımaı, jumysshy mamandyqtarynyń mártebesin arttyrý jáne sheberlik daǵdylaryn damytý bolyp tabylatyn jarystarǵa bilimalýshylardy daıarlap, bolashaq mamandardy kásibı turǵyda damyna úles qosyp keledi.
WorldSkills chempıonatyna jylda qatysýshy daıyndap, júldeli oryndarǵa ıe bolyp kelem. Bundaı is- sharalarǵa at salysý óz isimizge degen jaýapkershiligimizdi jáne kásibıligimizdi kórsetetin mańyzdy qadamdardyń biri.
Búginde avtomobıl ındýstrıasy qarqyndy damyp, jańa úlgidegi kólikter men kúrdeli tehnologıalar engizilýde. Osyǵan baılanysty, avtomehanık mamandary tek teorıalyq bilimmen shektelmeı, praktıkalyq daǵdylardy jetildirýi qajet. Shanaq jóndeý salasynda 3D skanerleý, kompúterlik dıagnostıka, lazerlik ólsheý sıaqty zamanaýı tehnologıalardy qoldaný – sapaly qyzmet kórsetýdiń kepili. Mundaı tehnologıalardy meńgergen mamandar kólik ıelerine joǵary sapaly qyzmet kórsetip, básekege qabiletti bola alady.
Sonymen qatar, sheberdiń taǵy bir mańyzdy mindeti – stýdentterdiń kásibı etıkasy men jumysqa degen jaýapkershiligin qalyptastyrý. Tehnıkalyq daǵdylardan bólek, bolashaq avtomehanıkter klıenttermen durys qarym-qatynas jasaı bilýi, eńbek qaýipsizdigin saqtaýy jáne ekologıalyq normalardy eskerýi qajet. Osy aspektilerdi úıretý arqyly maman joǵary deńgeıdegi kásipqoılardy daıarlap shyǵarady.
Osyndaı tájirıbeli mamandardyń arqasynda tehnıkalyq jáne kásiptik bilim berý salasy qarqyndy damyp, bolashaq avtomehanıkterdiń kásibı daıyndyǵy arta túsýde. El bolashaǵy – bilikti mamandardyń qolynda, al bilikti mamandardy daıyndaý – kásibı sheberlerdiń enshisinde. Sondyqtan, avtomehanık mamandyǵyn damytýǵa jáne ony nasıhattaýǵa erekshe kóńil bólý – bizdiń ortaq maqsatymyz.
Tolybaev Qýanyshbek, Almaty elektromehanıka koleji