Elimizde osyndaı ataýmen aksıa bastaldy, dep habarlaıdy Almaty-akshamy.kz.
«Ádildik Joly» respýblıkalyq qoǵamdyq birlestigi QR Sybaılas jemqorlyqqa qarsy agenttiginiń qoldaýymen eldegi korrýpsıaǵa qarsy saıasatty júzege asyrý maqsatynda jastardy jumyldyrýǵa baǵyttalǵan «Ádiletti Qazaqstan – Jastardyń tandaýy» atty aksıanyń bastalǵanyn habarlady
Sondaı-aq sybaılas jemqorlyqqa qarsy suraqtar boıynsha tegin keńes alýǵa bolatyn arnaıy 1463 koll sentri qosyldy, sonymen qatar jastardan habarlamalardy qabyldap, ózekti jańalyqtardy jetkizetin uıymnyń áleýmettik jelidegi paraqshalary ashyldy.
«Aksıa aıasynda QR Ǵylym jáne joǵary bilim mınıstrligimen seriktestik jóninde memorandýmǵa qol qoıylyp, óz kezeginde ol stýdent jastardy aksıaǵa jumyldyryp, JOO qyzmetindegi sybaılas jemqorlyq táýekelderin tómendetýge múmkindik beredi», - delingen habarlamada.