Ustalǵandardy jeke qabyldaý kezinde mekemedegi ustaý jaǵdaılaryna, onyń ishinde azaptaýlarǵa qatysty shaǵymdar bolǵan joq.
Almatydaǵy tergeý ızolátoryna depýtattar keldi, dep habarlaıdy Polisia.kz.
Almaty qalasy boıynsha Qylmystyq-atqarý júıesine qarasty tergeý ızolátoryna Qazaqstan Respýblıkasy Parlament Májilisiniń jáne Almaty qalasy máslıhatynyń depýtattary, advokattar men ardagerler kelip, ustalǵandardyń jaǵdaıymen tanysty.
Parlament Májilisiniń depýtattary A. Lınnık, A. Qojahmetov, B. Dúısenbınov, G. Bıjanova, V. Nabıev, N. Razzaq jáne Almaty qalasy máslıhatynyń depýtaty A. Abylkasımova, advokattar J.Saparhanova men N.Jazylbekov tergeý ızolátorynyń rejımdik korpýstarynda bolyp, kúdiktilerdiń jaı-kúıin kórip shyqty.
Tergeý ızolátoryna kelgen depýtattar men advokattarǵa Almaty qalasy prokýrorynyń orynbasary N. Aýǵanbaev pen Almaty qalasy boıynsha Qylmystyq-atqarý júıesi departamentiniń bastyǵy D. Qanatbekov LA-155/18 mekemeniń (tergeý ızolátory) qyzmetin uıymdastyrý jáne qańtar oqıǵasy kezinde qamalǵandardy tergep-tekserý tártibi jaıly aqparat berdi.
Májilis depýtattary tergeý ızolátoryndaǵy tekserýden keıin qańtar oqıǵasyna qatysty ustalǵan 11 kúdiktini jeke qabyldap, ótinishterin tyńdady. Ustalǵandardy jeke qabyldaý kezinde mekemedegi ustaý jaǵdaılaryna, onyń ishinde azaptaýlarǵa qatysty shaǵymdar bolǵan joq.