Memleket basshysynyń Jarlyǵymen Svetlana Qabykenqyzy Jaqypova Qazaqstan Respýblıkasynyń Eńbek jáne halyqty áleýmettik qorǵaý mınıstri laýazymynan bosatyldy, dep habarlaıdy Aqshamnews.kz tilshisi Aqordaǵa silteme jasap.
Resmı qujatqa sáıkes, Svetlana Jaqypova atalǵan qyzmetti 2023 jylǵy 2 qyrkúıekten bastap atqaryp kelgen.
Svetlana Qabykenqyzy Jaqypova 1968 jyly Qaraǵandy oblysynda týǵan. Selınograd memlekettik pedagogıkalyq ınstıtýtyn jáne Almaty ekonomıka jáne statısıka akademıasyn támamdaǵan.
Eńbek jolyn 1984 jyly Qaraǵandy oblysyndaǵy Qaroı orta mektebinde muǵalim bolyp bastaǵan. 1997–2008 jyldary «Zeınetaqy tóleý jónindegi ortalyǵy» RMQK júıesinde aǵa mamannan bastap dırektorǵa deıin túrli laýazymdar atqarǵan.
2008–2011 jyldary mınıstrliktiń áleýmettik qorǵaý jáne áleýmettik saqtandyrý departamentin basqarǵan. 2013–2019 jyldary Eńbek jáne halyqty áleýmettik qorǵaý mınıstriniń orynbasary boldy. Keıin BUU Damý baǵdarlamasynda ulttyq sarapshy qyzmetin atqaryp, 2023 jyly Prezıdent janyndaǵy áleýmettik osal sanattardyń quqyqtary jónindegi ýákil retinde jumys istegen.