Sarqan aýdanynyń aýmaǵynda polısıa departamenti men UQK qyzmetkerleri prokýratýranyń úılestirýimen birlesip ótkizgen arnaıy operasıanyń nátıjesinde úsh jergilikti turǵyn ustaldy. Olarǵa esirtki zattaryn zańsyz aınalymǵa túsirý boıynsha kúdik artylýda.
Tergeý barysynda ustalǵandardyń ekeýi dinı ekstremızm ıdeologıasyn ustanatyn tulǵalar ekeni belgili boldy. Olardyń turǵylyqty jerlerine júrgizilgen tintý jumystary nátıjesinde iri kólemde marıhýana tárkilendi. Sonymen qatar, Qazaqstan Respýblıkasynyń aýmaǵyna ákelýge, taratýǵa jáne shyǵarýǵa zańmen tyıym salynǵan ekstremıstik mazmundaǵy dinı ádebıetter tabyldy. Barlyq tabylǵan zattar tárkilenip, zań boıynsha tıisti sharalar qabyldanýda.
Bul operasıa esirtkimen kúres pen dinı ekstremızmge qarsy kúrestiń bir bóligi retinde aımaqtaǵy qaýipsizdikti qamtamasyz etý maqsatynda júzege asyryldy.