Byltyr taksoparkterdiń tabysy 6 mlrd teńgeni qurapty.
TMD elderi boıynsha eń qymbat taksı qyzmeti Qazaqstanda bolyp shyqty
Qazaqstanda taksı qyzmetiniń quny 0,61 AQSH dollaryn qurady, bul TMD elderi arasyndaǵy eń joǵary kórsetkish, dep habarlaıdy Almaty-akshamy.kz Energyprom-ǵa silteme jasap.
Ázirbaıjanda standartty tarıf boıynsha 1 km úshin taksı aqysy 0,59 AQSH dollary, Reseıde — 0,34 AQSH dollary, Ýkraınada — 0,32 AQSH dollary, Belarýste — 0,31 AQSH dollary, Armenıa men Ózbekstanda — 0,3 AQSH dollaryn quraıdy.
"2023 jyldyń qańtar-jeltoqsanynda Qazaqstanda taksı qyzmetin usynatyn kompanıalardyń tabysy bir jylda 17%-ke ósip, 5,9 mlrd teńgeni qurady. Osy kezeńde taksı qyzmetin 47,4 mln adam paıdalanǵan, bul bir jyl burynǵydan 2%-ke az", -delingen habarlamada.
2023 jyldyń jeltoqsaynda taksı tarıfteri ótken jyldyń jeltoqsanymen salystyrǵanda 9,1%-ke ósti.
Óńirler boıynsha baǵa eń kóp Almaty qalasynda ósti: bir jylda 30,3%-ǵa qymbattaǵan. Odan keıin baǵa Aqtóbe jáne Abaı oblystarynda tıisinshe 22,1% jáne 17%-ke ósken.
Taksı qyzmeti qunynyń eń az jyldyq ósimi Mańǵystaý oblysynda tirkeldi. Murnda baǵa 1,2%-ke artqan. Taǵy úsh oblysta — Almaty, Shyǵys Qazaqstan jáne Batys Qazaqstanda baǵa bir jyl burynǵy deńgeıde qaldy.