Qańtarda taýar sórelerinde búkilálemdik jeńildik arta túsedi.
Aınalamyzdaǵy dúkenderde jeńildik kóp-aq. Biraq keıde arzan alamyz dep eselep shyǵyndalyp júrgen joqpyz ba? Kózge túser tusqa «jeńildik» dep aıqaılatyp qoıǵan taýardyń baǵasyn keıin qarasań, quny jeńildiksiz-aq sol qalpy turǵanyn baıqaısyń. Jalpy dúkender baǵany qalaı oınatady?
«the HODL» Telegram-arnasynda qarapaıym marketıńtik aılany bylaı túsindiredi:
Jeńildik dep turǵan taýardy satyp alatyn boldyńyz delik. Alaıda kasaǵa barǵanda basqa baǵa shyǵyp turady. Jeńildik merzimi aıaqtalyp ketken, aksıanyń merzimi kózbe kórinbeıtin maıda jazýmen jazylǵan. Keıde mán bermeı, satyp alýyńyz da múmkin.
Bir zattyń qunyna eki ónim
"Jeńildik" degen jazýy bar ádemi qaptamadaǵy taýarlar da marketologtar jıi qoldanatyn aılalardyń biri.
Mysaly, satylymda turǵan bir shaıdyń qasynda skochpen japsyrylǵan 250 gramdyq eki shaı qaptamasy tur delik. Mundaı qoraptyń bireýi – 1299 teńge, al ekeýi jeńildikpen – 2599 teńge turady. Bul – keremet jeńildik. Ásirese, jańaǵy qoraptardyń janynda jeńildiksiz 2 469 teńgege satylyp turǵan 500 gramdyq shaı qoraby birge tursa.
Uttyńyz ba, utyldyńyz ba?
Tutynýshy jeńildikpen shaı qoraptaryn satyp alatyn bolsa, ústine artyq 130 teńge tóler edi. Tipti keıde baǵa aıyrmashylyǵy odan da joǵary bolýy múmkin. Sondyqtan jeńildik dep satylyp turǵan taýardyń qunyn oısha eseptep kórgen artyq bolmaıdy.
Azyq-túlik alarda baǵa belgilerin, túbirtekti tekserip qoıýdy umytpańyz!