Oqıǵa SHQO Samar aýdany Kókjota aýylynda bolǵan.
Kókjotalyqtardyń sózinshe, ol ańnyń qańǵybas ıt bolýy múmkin emes, dep habarlaıdy Almaty-akshamy.kz
Aýdan ákimdigi taratqan aqparatqa qaraǵanda, belgisiz ań Bolǵanbaev kóshesinde turatyn Edilhan Sarbasov esimdi azamattyń 15 bas qoıyn óltirip, 10 basyn jaralap ketken. Kókjotalyqtardyń sózinshe, ol ańnyń qańǵybas ıt bolýy múmkin emes. «Olar ádette óli malǵa aýyz salady» deıdi olar.
Aýdan basshysy Nurlan Mahambetov, aýyldyq okrýg ákimi jáne jergilikti polısıa bóliminiń qyzmetkerleri baryp, jaǵdaıdyń aq-qarasyna úńilgen. Olardyń aıtýynsha, malǵa oıran salǵan jyrtqysh qoraǵa esiktiń túbin qazyp kirgen.
«Sileýsin shyǵar dep topshylaımyz. Qasqyr bolsa qoıdy jaryp keter edi, al bul tek qanyn ishken. Jaraly 10 qoı da baýyzdaldy», – dedi ákimdik ókilderi.
Ańnyń silekeıinen aýrý taraýy múmkin ekenin eskerip, qyrylǵan maldy arnaıy orynǵa kómý jóninde sheshim qabyldanǵan.