Brıtanıalyq Sun tabloıdy mıllıardeler men ataqty adamdardyń eń qymbat ıahtalarynyń tizimin jarıalady, - dep habarlaıdy almaty-akshamy.kz Tengritravel.kz-ke silteme jasap.
The Rising Sun atty ıahta amerıkalyq prodúser ári bıznesmen Devıd Geffenge tıesili. Ol álemde eń qymbat sanalady. 2010 jyly prodúser ony 200 mıllıon dollarǵa alǵan, qazir onyń quny 590 mıllıonǵa kóterildi. Onyń uzyndyǵy 139 metr jáne saǵatyna 34 mıl jyldamdyqpen júzedi. Bortynda 82 kaıýta bar, ishine 18 qonaq pen ekıpajdyń 55 múshesi ornalasa alady. Iahtada basketbol alańy, sharap saqtaıtyn jertóle, kınoteatr, tik úshaq qonatyn alań, spa jáne baseın bar.
Tórtinshi orynda áıgili Stıv Djobstyń jesiri Loren Paýelldiń Venus ıahtasy. Quny 120 mıllıon dollarlyq ıahtanyń bortyna 12 qonaq jáne ekıpajdyń 22 múshesi sıady. Maksımaldy jyldamdyǵy saǵatyna 18 mıl.
Eń qymbat bestikke amerıkalyq reper Shon Kombstyń Maraya atty ıahtasy kiripti. Ony 10 jyl buryn taǵy bir ıahtamen qosyp ánshi 65 mıllıon dollarǵa alǵan eken. Onyń uzyndyǵy 54 metr, al bortynda 12 qonaq sıatyn alty kaıýta bar. Sonymen qosa, ıahtada djakýzı jáne jattyǵý zaly bar. Iahtany aptasyna 300 myń dollar tólep jalǵa alýǵa da bolady eken.
Tizimdegi ıahtalardyń biri áıgili Djordjıo Armanıdiń Main-ny. 65 metr uzyndyqtaǵy ıahtanyń jobasyn Armanıdiń ózi qurǵan. Onyń quny 64 mıllıon dollar. Ánshi Elton Djon da óz jobasy boıynsha ıahta quratqan eken. Wabi Sabi atty bul ıahtanyń quny 29,1 mıllıon dollar.
Amphitrite atty ıahtanyń da tarıhy qyzyqty - ony áıgili jazýshy Djoan Roýlıng belgili akter Djonnı Deppten 2016 jyly satyp alypty. Qazir onyń quny 22,9 mıllıon dollar turady eken.