Júrgizýshi janarmaı quıý stansıasynan kólikti qaýipsiz orynǵa súırep úlgergen.
Onyń vıdeosy áleýmettik jelide tarady, dep habarlaıdy Almaty-akshamy.kz QazAqparatqa silteme jasap.
Almaty qalalyq tótenshe jaǵdaılar departamenti ókilderiniń habarlaýynsha, órt túski saǵat 11:14-te shyqqan.
«Órt sóndirý qyzmetiniń kezekshi bólimine Túrksib aýdany Boraldaı kóshesi, 79 V úıdiń janyda órt shyqqany týraly habar tústi. Órt sóndirýshiler quramynda 13 adam, 2 tehnıkamen oqıǵa ornyna jetkende GAZ 47-532 112 júk avtokóligi ashyq jalynmen janyp jatty. Janǵan avtokóliktiń júrgizýshisi janarmaı quıý stansıasynan kólikti qaýipsiz orynǵa súırep úlgergen», - dep habarlady vedomstvodan.
Órt sóndirýshiler janyp jatqan kólikten segiz bóshkeni evakýasıalady, onyń úsheýi janarmaıǵa toly bolǵan.
«Órt sóndirýge jáne qyzǵan qurylymdardy salqyndatýǵa quramynda kóbigi bar órt oqpandaryn engizip, qyzyl jalyn 11:35-te sóndirildi» - dep atap ótti departamentten.