Avokado jahandyq jylynýdyń saldarynan joıylý aldynda tur.
Klımat daǵdarysynyń tanymal jemistiń óndirisine keri áseri jóninde Christian Aid qaıyrymdylyq uıymynyń baıandamasynda atap ótilgen.
Bul jaıynda islam.kz portaly lenta.ru aqparat kózine silteme jasaı otyryp málim etedi, dep habarlaıdy Almaty-akshamy.kz.
Sarapshylardyń pikirinshe, ǵasyrdyń ortasyna qaraı egistik kólemi keminde 14 paıyzǵa, eń kóbi 41 paıyzǵa qysqarady. Munyń ózi bolashaqta atmosferaǵa qanshalyqty zıandy zattardyń bólinetindigine baılanysty. Álemdegi eń iri avokado óndirýshisi Meksıkada jahandyq ortasha temperatýra eki gradýsqa kóterilmegen kúnniń ózinde egistik alqaby 31 paıyzǵa qysqarýy múmkin. Eger aýa temperatýrasy bes gradýsqa jylynsa, egis alqaby 43 paıyzǵa qysqarady. Avokado ósirý úshin mol sý qajet: bir avokadoǵa orta eseppen 320 lıtr sý kettedi. Bul sala ystyq aımaqtarda – Býrýndı, Chılı, Perý, Ispanıa, Ońtústik Afrıka jáne Meksıkada damyǵanyn eskersek, plantasıalar aýa raıy apattarynyń aldynda osaldyq tanytady. Atalǵan aımaq, ásirese, topyraq erozıasyna, uzaq qurǵaqshylyqqa jáne uzaq jaýyn-shashynǵa beıim. Tabıǵı apattar men sý tapshylyǵy jaǵdaıynda óndiris prosesi aıtarlyqtaı qymbattaıdy.