Búgin Astanada vedomstvo Alqasynyń otyrysy barysynda medısına qyzmetkerlerin daıarlaý sapasy máseleleri qaraldy.
Sońǵy jyldary akademıalyq erkindik pen ýnıversıtetterdiń derbestik rejımge kóshýi oń nátıje berdi, alaıda belgili bir problemalar týyndap otyrǵany atap ótildi, dep habarlaıdy Almaty-akshamy.kz Densaýlyq saqtaý mınıstrligine silteme jasap.
Memleket tarapynan baqylaýdyń álsireýi bilim berý sapasynyń, sondaı-aq zańnamaǵa sáıkes biliktilik talaptarynyń saqtalýyn qadaǵalaýdyń tómendeýine ákeldi. Stýdentterdiń shamadan tys sanynyń saldarynan ınfraqurylym men oqý sapasy nasharlady. Birqatar medısınalyq ýnıversıtetter «qyzyl» aımaqta jáne tekserilýge tıis.
Bilim berýdiń joǵary standarttaryn jáne medısına mamandaryn daıarlaý sapasyn qamtamasyz etý maqsatynda Densaýlyq saqtaý mınıstrligi Ǵylym jáne joǵary bilim mınıstrligimen jáne Oqý-aǵartý mınıstrligimen birlesip medısınalyq kolejder men joǵary oqý oryndarynyń, sondaı-aq ǵylymı zertteý ınstıtýttary men ǵylymı ortalyqtardyń qyzmetin tekserý jáne monıtorıńteý jónindegi barlyq komısıalarǵa qatysýǵa nıetti.