Qazaqstanda alǵash ret júrek pen búırekke qatar operasıa jasaldy, dep habarlaıdy Almaty-akshamy.kz.
Astanadaǵy Ulttyq ǵylymı medısınalyq ortalyǵynyń dárigerleri naýqastyń júreginen jáne búıreginen 60 sm-ge jýyq isikti alyp tastady. Onyń salmaǵy úsh keliden asady, - deıdi dárigerler.
Bul qýanyshtyń kóz jasy. Jálel Aıtmuhanbetov aýyr operasıadan aman qalǵanyma áli de sene almaımyn deıdi. 10 kún boıy jansaqtaý bóliminde jatyp, endi ǵana jalpy palataǵa aýystyrylǵan. Al dertiniń asqynǵanyna 2 jylǵa jýyqtapty.
Jálel Aıtmuhanbetov, emdelýshi:
Reanımasıadan keshe shyqtym. Eshkimniń basyna bermesin. Óte qýanyshtymyn.
Operasıa 20-dan astam mamannyń qatysýymen ótti. Dárigerler osyndaı isikti naýqastyń búıreginen alyp tastady.Ánýar Ábdikárimov, Ulttyq ǵylymı medısınalyq ortalyǵynyń bólim basshysy:
İsik júrekke deıin jetken. Júrektiń ishine kirip, sol sebepti naýqasqa eki top hırýrgtermen ota jasaldy. Ereksheligi - Qazaqstanda eshqashan jasalmaǵan ota.
Ulttyq ǵylymı medısınalyq ortalyqtyń tek hırýrgıa bóliminiń ózinde kúnine keminde 5 otaǵa deıin jasalady. Dál osy dárigerler alǵash ret Qazaqstanda buǵan deıin jasalmaǵan opreasıany júrgizdi. Bul otanyń kúrdeli bolǵany sonsha ol - on saǵatqa deıin sozylǵan.Sáken Saberbekov,Ulttyq ǵylymı medısınalyq ortalyǵynyń dárigeri:
Biz ózimiz de tań qaldyq. Júrekke deıin shapqan. Búkil astyńǵy venamen ósip baryp, júrekke shapqan. Mundaımen adamdar kóp ómir súre bermeıdi.
Júrekten de, búırekten de isikti qatar alǵan dárigerler operasıa jasaý barysynda úmit te, kúdik te qatar bolǵanyn aıtady. Sebebi, búırektegi isik asqynyp, ulǵaıyp júrekke shapqan. Bul óte sırek kezdesetin jaǵdaı, - deıdi mamandar.