Aımaqta apatty dep tanylǵan 900 aǵashty otaý bastaldy
Bostandyq aýdanyndaǵy apatty dep tanylǵan 900 aǵashty otaý bastaldy. Bıyl 83 kóshege jaryq ornatyldy. Al keler jylǵa qoǵamdyq keńistikterdi abattandyrý, balalar men sport alańdaryn jóndeý boıynsha 165 ótinim túsken, dep habarlaıdy Almaty-akshamy.kz almaty.tv-ge silteme jasap.
«Qazirgi kezde Bostandyq aýdanynda 177 shaqyrym aryq júıesi bar. Merdiger mekemelerdiń kúshimen osy 177 shaqyrym aryq júıesi kúndelikti tazalanýda. Jańbyrly kúnderi jańaǵy sý basatyn 5 aımaq bar. Ol 5 aımaqty tez arada qolǵa alý úshin tótenshe jaǵdaılar jelisi boıynsha jóndeý jumysy bastaldy. Jarokov pen Sátpaev, Sátpaev pen Baıtursynov kósheleriniń qıylysynda jumystar júrgizilip jatyr. Jyldyń sońyna deıin aıaqtalady. Odan bólek 55,2 shaqyrym aryq júıesi salynýdy josparlap otyrmyz. Bostandyq aýdany 85 paıyz jaryqtandyrylǵan. Qazirgi kezde aýdanda 214 kishi kóshe qaldy. Bıylǵy jyly 83 kóshege jaryqtandyrý jumysy bastalady. Jumystar jyldyń sońyna deıin aıaqtalýy tıis. 751 tirek ornatylyp, onyń ishinde 22,5 jaryqtandyrý júıesi ornatylady», – dedi Bostandyq aýdany kóriktendirý bóliminiń basshysy Arman Mızambekov.
Bıyl «Halyq qatysatyn búdjet» jobasy boıynsha 20 jobamyz iske asty.
«Halyq qatysatyn búdjet» jobasy boıynsha 766 mıllıon teńgeniń kóleminde 20 jobamyz iske asty. Qazirgi kezde barlyq joba aıaqtaldy. Bul jobanyń ishindegi balalar alańy, sport alańy jáne de saıabaqtarǵa jóndeý jumysy júrgizildi. Onyń ishinde jańaǵy Tımırázev pen Baızaqov kósheleriniń qıylysynda túngi avtoturaq buzylyp, ornyna saıabaq salyndy. Qazirgi kezde barlyq jobalar aıaqtaldy. Kelesi jylǵa 165 ótinim qabyldanyp, komısıanyń sheshimi 17 joba iriktelip alyndy. 2023jyly iske asyramyz. Jasyl-jelekterdi sýarý jelileri salynady. Balalar oınaıtyn alańqaılar, sport alańdary jáne de saıabaqtarǵa jóndeý jumysy iske asady», – dedi Bostandyq aýdany kóriktendirý bóliminiń basshysy Arman Mızambekov.