Almaty qalalyq polısıasy aýtızmi bar balalardy ınternatqa tapsyrýǵa shaqyrǵan blogerge qatysty qylmystyq is qozǵady, dep habarlaıdy Aqshamnews.kz tilshisi.
Áleýmettik jelini shýlatqan pikir ıesiniń Instagram paraqshasy daýly jazbasynan keıin akkaýnty óshirilgen ne buǵattalǵan. Ata-analar arasynda narazylyq kúsheıip, jazbanyń skrınshottary jelide tarap ketti.
Autism Kazakhstan qaýymdastyǵy Bas prokýratýra men İİM-ge resmı suraý joldady. Uıym ókilderi mundaı málimdemeler ata-analardyń ashý-yzasyn týǵyzyp, balalardyń quqyqtaryn buzatynyn aıtty.
Almaty Polısıa departamenti atalǵan derek boıynsha qylmystyq is tirkelgenin málimdedi.
"Blogerdiń tulǵasy anyqtaldy, zań aıasynda sharalar qabyldanady. Polısıa qoǵamdy qorlaıtyn, áleýmettik arazdyq týdyrý belgileri bar, qatygezdik pen zorlyq-zombylyqty nasıhattaıtyn materıaldar úshin qylmystyq jáne ákimshilik jaýapkershilik kózdelgenin eskertedi" delingen habarlamada.