Baqytjan Bazarbek "20 mıllıon teńge jalaqy" degen pikirin túsindirdi, - dep habarlaıdy Aqshamnews.kz tilshisi.
Bul týraly ol Májilis kýlýarynda aıtty. Depýtattyń aıtýynsha, bul onyń atqaratyn jumysynyń kólemi týraly bolǵan:
"Men zańmen talap etilgennen áldeqaıda kóp eńbektenemin. Jıyrma ese kóp. Múmkin, otyz ese de. Men Joǵary aýdıt palatasy, Jer resýrstary komıteti, Sý resýrstary jáne sýarmaly egis mınıstrligi, Ekologıa mınıstrligi men ekologıalyq ınspeksıa tarapynan tekserý týraly bastamalar usynamyn. Memlekettik organdar oryndaýǵa tıis isti oryndaýǵa májbúrleımin", – dedi Bazarbek.
Depýtat sózinshe, bul áreketter onyń fýnksıonaldyq mindetine kirmeıdi. Biraq memlekettik organdar óz mindetin durys oryndamaǵanynan ol bul máselemen aınalysýǵa májbúr.
Sondaı-aq, depýtatqa heıtke qatysty suraq qoıyldy.
"Meni qaralaýǵa tyrysatyndar, men parlamentte izgi kúshpin, jaqsylyq jaǵyndamyn. Meniń aınalamda meni qoldaıtyn jýrnalıser, blogerler, qoǵam belsendileri bar. Eger olar bireýdi qaralasa, onda kimdi qoldaıdy? Olar zańdylyq pen elde tártip ornatýǵa atsalysatyn adamdardy qoldaýy kerek", — deıdi depýtat.
Eske salaıyq, 8 qyrkúıekte Májilis depýtaty Baqytjan Bazarbek óz mindetin 20 mıllıon teńge jalaqyǵa laıyq deńgeıde atqaratynyn málimdegen edi.