Mádenıet jáne aqparat mınıstrligi Qazaqstannyń eltańbasyn ózgertý máselesi jaqyn arada qarastyrylmaıtynyn málimdedi, dep habarlaıdy almaty-akshamy.kz vlast.kz-ke silteme jasap.
«Másele kún tártibinen shyǵaryldy» dep habarlady mádenıet mınıstrligi.
15 naýryzda Ulttyq quryltaı otyrysynda Qasym-Jomart Toqaev qazirgi Eltańbany qabyldaý tym qıyn ekenin jáne onyń quramynda keńes dáýiriniń eklektıkasy men belgileri baryn aıtqan bolatyn. Ol qoǵamdyq talqylaýlar ótkizý úshin arnaıy komısıa qurýdy, sodan keıin Qazaqstannyń jańa memlekettik eltańbasynyń eń úzdik eskızine ashyq konkýrs jarıalaýdy usyndy.
Sáýir aıynyń basynda qarjy mınıstri Mádı Tákıev sý tasqynyna baılanysty eltańbany ózgertý týraly sheshimdi keıinge qaldyrý kerek degen pikir bildirdi. Al qarjy mınıstrligi quzyrly organnyń saýalyna bergen jaýabynda bıyl Mádenıet mınıstrligi jańa eltańba shyǵarýǵa ketetin shyǵyndy jarıalamaǵanyn aıtty.