Baıqońyr aýdany polısıa basqarmasynyń qyzmetkerleri jedel izdestirý is-sharalaryn júrgizý barysynda izdeýde júrgen 30 jastaǵy Almaty qalasynyń turǵynyn anyqtady.
Belgili bolǵandaı, er adam qalalyq meshitte jasyryn túrde bóten bireýdiń Samsung markaly telefonyn alyp ketken. Kúdikti ózge adamnyń basqa jaqqa kóńili aýǵanyn paıdalanyp, onyń telefonyn alyp ketkeni anyqtaldy, dep habarlaıdy Almaty-akshamy.kz Polisia.kz-ke silteme jasap.
Ekinshi jaǵdaıda ol kompúter klýbynan telefondy alyp ketken. Sondaı-aq sotqa deıingi tergep-tekserý barysynda er adamnyń Almaty qalasynda birqatar urlyq áreketterine qatystylyǵy úshin izdeýde júrgeni belgili boldy.
Qazirgi ýaqytta qylmysqa qatysy bar adam kinásin moıyndap, PD-nyń ýaqytsha ustaý ızolátoryna qamaldy. QR Qylmystyq-prosestik kodeksiniń 201-baby negizinde tergeý múddesinde sotqa deıingi tergep-tekserýdiń ózge de derekteri jarıa etilýge jatpaıdy. Astana qalasynyń polısıa departamenti uıymdarǵa qoǵamdyq oryndarda qaýipsizdik sharalaryn kúsheıtýdi usynady. Azamattar qyraǵy bolyp, baǵaly zattaryn qaraýsyz qaldyrmaýy kerek.