Nıkolaı Taratýnın 1941 jyly qurdastarymen birge Otandy qorǵaý úshin maıdanǵa attanady.
Búgin Uly Otan soǵysynyń ardageri – shekarashy, «Qyzyl juldyz» ordeniniń eki dúrkin kavaleri, birinshi dárejeli «Uly Otan soǵysy», «Qurmet» ordenderiniń ıegeri, otstavkadaǵy polkovnık Taratýnın Nıkolaı Aleksandrovıch 100 jasqa toldy, dep habarlaıdy Almaty-akshamy.kz
Nıkolaı Taratýnın 1941 jyly qurdastarymen birge Otandy qorǵaý úshin maıdanǵa attanady. Batys, Stalıngrad, Ýkraın maıdandarynda jankeshtilikpen shaıqasyp, jerimizdi basqynshylardan qorǵaıdy.
Soǵystan soń ol Almatydaǵy jaıaý áskerler ýchılıshesiniń kýrsanty atanady. Oqýdy jaqsy aıaqtap, Túrkıamen, Iranmen, Qytaımen, Japonıamen shekaralas aımaqtarda áskerı qyzmetin óteıdi. Búginde soǵys ardageri Nıkolaı Aleksandrovıch ulymen birge turady, úsh nemeresi, tórt shóberesi bar. 9 mamyrda bári jınalyp, ardager atalaryn Jeńis kúnimen quttyqtaıdy.
Soǵys ardagerin Almaty ákimdiginiń, «Zastava Tarlandary» ardager shekarashylardyń respýblıkalyq qoǵamdyq uıymynyń, ardagerlerdiń qalalyq Keńesiniń, AMANAT partıasynyń ókilderi, qorǵanys jónindegi basqarmanyń áskerı qyzmetshileri, Jas sarbaz áskerı- patrıotttyq klýbynyń jasóspirimderi, QR Qorǵanys Kúshteri áskerı-patrıottyq ortalyǵy fılıalynyń ókilderi, UOS-nyń soǵysy men tyl eńbekkkerleri ardagerler Keńesiniń qoǵamdyq qory, UQK shekara qyzmetiniń áskerıleri quttyqtady.
Ákimdik jáne kásipkerler áskerı shekaralyq garnızonmen, tehnıkany jóndeý jónindegi basqarmanyń jáne QR UQK shekara qyzmetiniń áskerılerimen birge ardagerdiń úıin jóndep, aýla aınalasyn tazartyp berdi.
Aıta keterligi, memleket, bıznes ókilderi, ÚEU, áskerı bólimsheler tek Jeńis kúni ǵana emes, ardagerlerge únemi qoldaý kórsetip, kómektesip keledi. Aqshalaı tólemder, túrli jeńildikter jasalyp, úılerinde de, onyń ishinde medısınalyq kómek te kórsetiledi.