Bıyl tirkelý tártibine ózgeris engizilip otyr.
Qazaqstanda Ulttyq biryńǵaı testileýge tirkelý bastaldy, dep habarlaıdy Almaty-akshamy.kz. Sputnik Qazaqstan.-ke silteme jasap.
Test ortalyǵynyń dırektory Rýslan Emelbaevtyń aıtýynsha, bıyl tirkelý tártibine ózgeris engizilip otyr. Buryn talapkerler test tapsyrýǵa birden eki múmkindikke tirkelse, osy joly árbir tirkelýdiń óz kezeńi bolady.
«Bıyl 28 sáýir men 6 mamyr aralyǵynda birinshi múmkindikke tirkeledi. Al 6-14 mamyr aralyǵynda ekinshi múmkindik beriledi. Osylaısha, talapkerler UBT-ny eki ret tapsyra alady. Bıylǵy túlekter úshin tegin, al byltyrǵy túlekter testti aqyly túrde tapsyrady», - deıdi Emelbaev.
Birinshiden, testterdiń mazmuny qaıta qaralady. Sonyń arqasynda oqýshynyń UBT-ǵa qanshalyqty daıyndalǵany, sondaı-aq bilim sapasy anyqtalady.
Ekinshiden, Ulttyq biryńǵaı testileýdi IELTS nemese TOEFL sıaqty biliktilik deńgeıin rastaıtyn kýálik deńgeıine deıin kóterý josparlanyp otyr.