«Daryn» memlekettik syılyǵynyń ıegerleri anyqtaldy
Bıylǵy jıyn Qazaqstan Respýblıkasy táýelsizdiginiń 30 jyldyq mereıtoıyna arnaldy. Sharaǵa túrli salada eńbek etip júrgen jas mamandar qatysty, dep habarlaıdy Almaty-akshamy.kz 24.kz-ke silteme jasap.
Forým Elbasy Nur-Sultan Nazarbaevtyń jastarǵa arnalǵan úndeýinen bastalyp, qatysýshylardyń eńbek jolyndaǵy jetistikterin baıandaýmen jalǵasty. Forým aıasynda óz isiniń úzdigi atanyp, Qazaqstannyń atyn álemge tanytyp júrgen talantty azamattarǵa «Daryn» memlekettik jastar syılyǵy tabystaldy. Marapat úzdik muǵalim, akter, sportshy, óner ıeleri men tehnıkalyq mamandyq ıelerine berildi.
«Eki túrli salanyń basyn qosýmen aınalysamyz. Ol matematıkalyq analız jáne teorıa. Biz osy salada monografıalyq oqýlyq jazyp jatyrmyz. Bul oqýlyqty men sheteldik ǵylymı jetekshim, Anglıanyń jáne Belgıanyń ýnıversıtetteriniń profesory bolyp tabylatyn Maıkl Lýjanskıımen jazyp jatyrmyn», - dedi «Daryn» memlekettik jastar syılyǵynyń ǵylym salasy boıynsha ıegeri Nurǵısa Esirkegenov