Qasym-Jomart Toqaevqa elordanyń áleýmettik-ekonomıkalyq jáne ınfraqurylymdyq damýy jóninde esep berildi
Prezıdentke áleýmettik nysandar qurylysynyń kólemin ulǵaıtý, gazben qamtý, ınvestısıa tartý, úleskerlik qurylys nysandaryn salýdy aıaqtaý jumystary jóninde baıandaldy, dep habarlaıdy Almaty-akshamy.kz Aqorda resmı saıtyna silteme jasap.
Altaı Kólginovtiń aıtýynsha, bıyl Memleket basshysynyń tapsyrmasymen salynǵan jeńildikpen beriletin qoljetimdi baspanalar, bilim berý oshaqtary men basqa da áleýmettik nysandar sany rekordtyq deńgeıge jetken. Máselen, 2019 jyly 2900 áleýmettik páter salynsa, 2021 jyly bul kórsetkish 10 myńǵa deıin jetken. 2022 jyly keminde 10 myń áleýmettik páter salý josparlanyp otyr. Sonymen qatar bıyl paıdalanýǵa berilgen 15 mektep 40 myńǵa jýyq oqýshyny qamtýǵa múmkindik berdi. Kelesi jyly taǵy da 16 mektep salý josparlanǵan.
Kezdesý barysynda Memleket basshysyna epıdemıologıalyq ahýaldy turaqtandyrý sharalary jáne elordada júrgizilip jatqan vaksınalaý jumystary týraly málimet berildi.
Qasym-Jomart Toqaev qalany odan ári damytý jóninde birqatar tapsyrma berdi.