COVID-19 bar balalarda býyn aýrýy, shyryshty qabyqtyń qabynýy jáne bórtpe paıda bolady.
Reseılik dáriger mundaı belgiler aýrýdyń aýyr aǵymyn kórsetetinin basa aıtty. Onyń ústine barlyǵy der kezinde emdelýge baılanysty, deıdi mamandar, dep habarlaıdy Almaty-akshamy.kz Lenta.ru saıtyna silteme jasap.
Qorǵan oblysynda COVID-19 juqtyrǵan balalarda bórtpe, býyn aýrýy jáne shyryshty qabyqtyń qabynýy paıda bolady. Jańa belgiler týraly oblystyq balalar aýrýhanasy emdeý bólimi bas dárigeriniń orynbasary Svetlana Larıonova men oblystyq densaýlyq saqtaý departamenti dırektorynyń mindetin atqarýshy Alekseı Sıgıdaev aıtty.
«Sondaı-aq bul qyzýdy túsiretin dárilerge baǵyna qoımaıtyn jótel, dene qyzýy bolýy múmkin. Bul býyndardaǵy aýyrsyný, shyryshty qabyqtyń qabynýy túrinde de bolady. İshtiń aýyrýy, ishtiń ótýi jaǵynan gastroenterıtke de uqsaıdy », - dedi Larıonova.
Larıonova sonymen qatar balalardy tumaýǵa qarsy vaksınasıalaýdy usyndy, óıtkeni zertteýlerge sáıkes, vaksınasıalanǵan balalar vırýstyq ınfeksıalardan qatty aýyra qoımaıdy. Sonymen qatar, tumaýǵa qarsy vaksına alǵan kámeletke tolmaǵandar pnevmonıa men bronhıtke ákeletin asqynýlarǵa da azyraq ushyraıdy.
Qorǵan oblystyq densaýlyq saqtaý basqarmasy dırektorynyń mindetin atqarýshy Sıgıdaevtyń aıtýynsha, kórshiles oblystarda COVID-19 juqtyrǵan kámeletke tolmaǵan naýqastar ókpeni jasandy jeldetý apparatynda jatyr.
«Siz ımýndyq júıeńizdi durys jaýap berýge úıretýińiz kerek. Balada ımýndyq júıe eki jolmen ǵana jaýap bere alady - ne bala únemi aýyra beretin bolady, nemese vaksına alýy kerek», - dedi