«Qazaq ınterneti: búgini men bolashaǵy» atty jıynda qazaqtildi medıany damytýdyń jańa trendteri jaıynda sóz bolady.
Nur-Sultan qalasynda qazaq tilinde onlaın-kontent jasaýshylardyń V forýmy ótip jatyr, dep habarlaıdy Almaty-akshamy.kz Almaty arnasyna silteme jasap.
Qazaq tilinde usynylatyn kontenttiń eń ózekti máselelerin sarapshylar men jýrnalıser, blogerler men beıne-kontent jasaýshylar talqylaıdy.
QAZFORUM bastamashysy jáne ıdeıalyq qoldaýshysy – AQSH-tyń Qazaqstandaǵy Elshiligi, uıymdastyrýshy – «Business Event&Rent» agenttigi.
Forýmda «Pandemıa kezindegi medıa-trendter» týraly pikir almasý bolady.
Onda COVID pandemıasy tek ınfodemıany ǵana alyp keldi me? Álde bul jaǵymdy tájirıbe boldy ma? Biz qandaı sabaq aldyq? Bizdi qandaı medıa trendter kútip tur? Osy syndy medıanyń ózekti máseleleri talqylanady.
QAZFORUM onlaın-BAQ redaktorlary úshin shaǵyn is-sharadan elimizdegi qazaq tilindegi medıa, onyń qoǵam damýyndaǵy róli, BAQ pen onlaın-medıa aldynda turǵan ózekti kún tártibin jáne qazirgi zamanǵy syn-qaterlerdi talqylaıtyn iri pikirtalas alańyna aınaldy. Jyl saıyn uıymdastyrýshylar qatysýshylarǵa ózekti máselelerdi talqylaýdy jáne halyqaralyq tájirıbe negizinde qazaqstandyq medıa-naryqtyń damý perspektıvalaryn aıqyndaýdy usynady.