Elordada qazaq tilinde kontent jasaýshylardyń dástúrli besinshi forýmy júrip jatyr, dep habarlaıdy almaty-akshamy.kz
Sharanyń ashylýyna QR Aqparat jáne qoǵamdyq damý mınıstir Aıda Balaeva qatysyp, uıymdastyrýshy tarap – AQSH-tyń Qazaqstandaǵy Elshiligine alǵys bildirdi.
«Bıyl táýelsizdiktiń úshinshi onjyldyǵyn baǵyndyrǵan memleketimizdiń AQSH-pen dıplomatıalyq baılanys ornatqanyna da 30 jyl bolyp otyr. Osy ýaqyt aralyǵynda AQSH elshiligi eki el arasyndaǵy baılanysty nyǵaıtýǵa arnalǵan túrli jobalarǵa turaqty qoldaý kórsetip keledi. Solardyń biri – dástúrge aınalǵan qazaqtildi onlaın kontent jasaýshylar forýmy. Osymen besinshi ret ótkizilip otyrǵan bul shara, sóz joq, qazaq ınternetindegi ózekti máselelerdi talqylap, ortaq sheshim tabýǵa septigin tıgizetin aýqymdy platforma», - degen vedomstvo basshysy búgingi tańda memlekettik BAQ-taǵy qazaqtildi kontenttiń úlesi 78 prosentke jetkenin atady.
«Onyń ishinde telearnadaǵy kontent – 79,2 prosent, baspa basylymdary –84,5 prosent jáne ınternet resýrstarda – 59,81 prosent. Osydan 10 jyl buryn memlekettik tilde aqparat taratatyn alty saıt qana bolsa, búgingi jaǵdaı múldem bólek. Qazirgi tańda otandyq ınternet medıanyń shamamen 14 prosent úlesin qazaqtildi saıttar qurap otyr. Jyldan-jylǵa qazaqtildi ınternet portaldardyń sany da, oqyrmandar qatary da artyp keledi. Sońǵy eki jyl ishinde jańadan 46 saıt ashyldy. Otandyq medıa qazaq tilinde kontent jasaý aqparattyq saıasattaǵy basym baǵyttardyń biri. Ol saladaǵy atqarylǵan jumystardyń kólemi de, sapasy da jyldan-jylǵa artyp kele jatyr», - dedi Aıda Balaeva.