Almatylyq teatrdan tartý.
Almatylyq teatr ártisteri elorda kórermenimen qaýyshty, dep habarlaıdy Almaty-akshamy.kz.
Almatylyq ónerpazdardyń el Táýelsizdiginiń 30 jyldyǵyna oraı elorda kórermenine tartý jasady. Abaı atyndaǵy Qazaq memlekettik akademıalyq opera jáne balet teatry «Astana Opera» sahnasynda óner kórsetti. Bas shahar turǵyndaryna ujym eýropalyq kórermenderdiń kózaıymyna aınalǵan spektáklderdi alyp keldi.
Teatr artıseri ıtalıalyq rejıser Matteo Massonıdiń qoıylymyndaǵy Gaetano Donısettıdiń «Don Paskýale» operasyn, Morıs Raveldiń «Bolero», Frıderık Shopenniń «Shopenıana», Iogann Sebastıan Bahtyń «Bah shyǵarmashylyǵyn taný» baletterin usyndy. Teatr solısi Taır Tájiniń aıtýynsha, merekelik konsertke daıyndyq jumystary demalyssyz birneshe aı júrgen.
«Qıyndyqtar árdaıym bolady. Birinshi kezekte Don Paskýale bizdiń ana tilimizdegi qoıylym emes, ıtalıa tilinde. Sondyqtan tildik shekteýsiz, aksentsiz jetkizý, oryndaý qıynǵa soǵady. Bul jerde qatesiz, túpnusqadaǵydaı oryndaý mańyzdy, árıne, ózińniń ereksheligińdi qosý arqyly. Sebebi aınytpaı kóshirip alýǵa bolmaıdy. Al gastróldik saparǵa keler bolsaq, biz birneshe aı kóleminde daıyndaldyq. Jazdyń basynan bastap demalyssyz jumys istedik. Eger solıser shilde aıynda demalysqa ketetin bolsa, biz daıyndyqta boldyq. Sebebi birinshi kezekte bul – elimizdiń Táýelsizdigine arnalǵan mańyzdy konsert. Onda tómen deńgeıde óner kórsetýge bolmaıdy», - dedi Abaı atyndaǵy Qazaq memlekettik akademıalyq opera jáne balet teatrynyń jetekshi solısi Taır Táji.