Aksıa uıymdastyryldy
Tamyz aıyn qaıyrymdylyq aıy desek, artyq aıtpaǵanymyz bolar. Nege deseńiz, osydan týra 11 jyl buryn «Mektepke jol» baǵdarlamasy bastaý alyp, ár aımaqtyń qaltaly azamattary, qaıyrymdy júrek ıeleri demeýshilik jasaıdy. Oqý jylynyń aldynda 30 kún boıy áleýmettik jaǵynan az qamtylǵan jáne kóp balaly otbasylarǵa kómek kórsetiledi. Qazirgi naryqta barlyǵy qymbattap jatqan zamanda balany mektepke daıyndaý ońaı sharýa emes ekeni anyq. Osy oraıda Táýelsizdikdiń 30 jyldyǵyna baılanysty Naýryzbaı aýdanynda «Mektepke jol» aksıasy uıymdastyryldy. Atalmysh sharaǵa aýdandyq máslıhat depýtaty Tabyldınov Esen, Nur Otan partıasynyń músheleri, bıznesmender qatysyp, 40-den astam balaǵa mektep formalary, jańa sómkeler tabystaldy.
«Jalpy, bul aksıa 2002 jyldan beri qolǵa alynǵan. Jyl saıyn aýdanymyzdyń demeýshileri keminde 10-15 balaǵa kómek kórsetýde. Bıyl da aksıa joǵary deńgeıde ótip jatyr. Qýanǵan ata-analar men balalardyń jarqyn kúlkisi bizdiń et júregimizdi eljiretip, aldaǵy ýaqytta da osyndaı is-sharalar uımdastyrýǵa kúsh-jiger berdi»,–dedi máslıhat depýtaty Tabyldınov Esen.
Eske sala ketsek, ıgi bastama qyrkúıek aıynyń 30-na deıin jalǵasady. Aksıa barysynda kómekke muqtaj ata-analardan ótinishter qabyldanatyn bolady. Sol sebepti kómek beriletin balalardyń sany artýy da múmkin.