Astana qalasynyń áýejaıynda kólik vıse-mınıstri Talǵat Lastaevtyń tóraǵalyǵymen múddeli memlekettik organdar men uıymdardyń qatysýymen ushý-qoný jolaǵyn qaıta jańartýǵa daıyndyq máselesi boıynsha keńes ótti.
Áýejaıdyń qoldanystaǵy ushý-qoný jolaǵy 20 jyl buryn paıdalanýǵa berilgen jáne osy ýaqytqa deıin tek aerodrom jabyndaryna aǵymdaǵy jóndeý jumystary júrgizilgen, dep habarlaıdy Almaty-akshamy.kz Kólik mınıstrligine silteme jasap.
Ushý-qoný jolaǵyn qaıta qurý áýejaıdy ınvestorǵa senimgerlik basqarýǵa berý kezindegi negizgi jáne birinshi kezektegi mindetterdiń biri boldy.
Terminals Holding kompanıasy aldaǵy daıyndyq jáne qurylys-montajdaý jumystarynyń kestesi týraly habardar etti, oǵan sáıkes qaıta qurý jumystary naýryz aıynyń sońyna deıin bastalady dep josparlanýda.
Aıta ketý kerek, jobany iske asyrý ınvestordyń jeke qarajaty esebinen júzege asyrylady jáne 2025 jyldyń kókteminde aıaqtalady.
Ushý-qoný jolaǵyn qaıta qurý ushý qaýipsizdigin arttyrady jáne áýe aılaǵynyń tranzıttik áleýetin arttyrýǵa yqpal etedi.
Óz kezeginde mınıstrlik áýejaıda reısterdi totatpaı jumys júrgizý qajettigi týraly aıtty.