Almatylyq qutqarýshylar sý aıdyndaryndaǵy qaýipsizdik sharalary týraly eskertedi jáne keńesterimen bólisedi
Eger siz týrısik saparǵa shyqsańyz, qaýipsizdik sharalaryn saqtaý - eń qajetti sharttardyń biri. Bul týraly Almaty qalasynyń óńirlik komýnıkasıalar qyzmetiniń alańynda QR TJM Respýblıkalyq jedel-qutqarý jasaǵynyń súńgýir-qutqarý bólimshesiniń basshysy Andreı Bybchenko jáne QR TJM Respýblıkalyq jedel-qutqarý jasaǵynyń bas qutqarýshysy Birjan Baıqulov aıtyp berdi, dep habarlaıdy almaty-akshamy.kz
Andreı Bybchenko atap ótkendeı, qys mezgilinde tótenshe jaǵdaılardyń negizgi sebepteri: balyq aýlaý kezinde muzdaǵy qaýipsizdik talaptaryn saqtamaý, juqa muz ústimen kólikpen júrý jáne balalardy eresekterdiń qaraýynsyz qaldyrý.
Jýrnalıser juqa jáne berik muzdy qalaı anyqtaýǵa bolady degen saýal qoıdy.
«Muzdy túsine qarap bilýge bolady. Eń berik muzdyń túsi móldir, kógildir nemese kók bolady. Al sur, sary, jasyl, basqa túster muzdyń juqa ekenin bildiredi. Muzdyń qanshalyqty berik ekenin burǵylaý jáne qalyńdyǵyn ólsheý kezinde ǵana júrgizýge bolady. Eger muzdaǵy qar jamylǵysy bolsa, onda sý qoımalarynda, sondaı-aq qysqy balyq aýlaý kezinde belgili bir qaýipsizdik erejeleri bar. Taıaq alyp júrgenińiz jaqsy. Jaıaý serýendeý kezinde siz muzdyń beriktigin taıaqpen uryp kórý arqyly anyqtaı alasyz. Sondaı - aq muzda bolýy múmkin shuńqyrlar men kedergilerdi bile alasyz», - dep bólisti A. Bybchenko.
Sonymen qatar, qys mezgilinde taýǵa shyǵý kezinde erekshe qyraǵalyq pen daıyndyq qajet. Qaýipsiz sapar týraly usynystardy eske sala otyryp, qutqarýshylar negizgi sharalardy atap ótti.
«Árıne, kez-kelgen jerge barǵan kezde (taýly, dala, orman) sol jerdiń ereksheligin eskerý kerek (qarly jer, sýynyń kóptigi, jaýyn-shashyn eskerilýi kerek). Soǵan qaraı biz ózimizben birge alyp júretin jabdyqtar men kıimderdi tańdaı bastaımyz. Rúkzakta bolýy kerek eń qajetti zattar: qosymsha jyly shulyqtar, sý ótkizbeıtin qolǵaptar, jyly kýrtka, qalpaqshalar, kúnnen qorǵaıtyn kózildirik, óıtkeni qysta kún kózdi qarıdy. Sondaı-aq sirińke, pyshaq, fonar jáne qosymsha batareıalar da kerek. Uıaly telefonǵa qandaı da bir qosymsha qaýattaý qurylǵysy, óıtkeni olar qatyp sýyqta qýaty taýysylyp qalady. Eger siz kómek suraǵyńyz nemese qońyraý shalǵyńyz kelse, batareıa otyryp qalýy múmkin ekenine daıyn bolyńyz», - dep qosty A.Bybchenko.
RJQJ bas qutqarýshysy Birjan Baıqulov qysqy balyq aýlaý kezindegi qaýipsizdik sharalaryn eske saldy. Qutqarýshynyń aıtýynsha, aldymen QR aýmaǵynda bekitilgen balyq aýlaý erejelerin saqtaý qajet-balyq aýlaýǵa ruqsat etilgen jerlerdi tańdap, jaǵalaý boıyndaǵy belgilengen belgilerge nazar aýdarý qajet. Qalyńdyǵy 10 santımetr bolatyn muz jalǵyz júrý qaýipsiz bolyp sanalady.
«Qysqy balyq aýlaý kezeńinde muzdyń qalyńdyǵyn tanyp, teksere bilý kerek. Muzdyń qalyńdyǵy 7-8 sm bolsa, onyń ústimen bir adam ǵana júre alady. Aıta ketý kerek, el aýmaǵynda balyq aýlaýdyń ózindik zańdy tártibi bar, oǵan nazar aýdarý kerek. Qatpaǵan muzben júrýge jáne kólikti qaldyrýǵa bolmaıdy», - dep bólisti ol.
Buǵan deıin Almaty qalasy TJD ókilderi habarlaǵandaı, tótenshe jaǵdaılar bolýy yqtımal qalalyq sý aıdyndarynda «Abaılańyz, juqa muz!», «Muzdan ótýge tyıym salynady!». Osyǵan baılanysty qutqarýshylar qala turǵyndary men qonaqtarynyń qaýipsizdik sharalaryn beı-jaı qaramaýdy eskertedi jáne usynady.
Qysqy kezeńde tótenshe jaǵdaılardyń aldyn alý úshin (muzdaǵy jazataıym oqıǵa, kóktaıǵaq, qar kóshkini, úsik, boran) qutqarýshylar profılaktıkalyq reıdter júrgizedi. Keń aýqymdy profılaktıkalyq jumystardy júrgizý úshin mobıldi qulaqtandyrý kesheni iske qosyldy. Bul is-sharalar adamdar kóp jınalatyn jáne qysqy balyq aýlaý oryndarynda ótkiziledi.