Prezıdent óz Joldaýynda sýdy únemdi paıdalanatyn kez kelgenin aıtty.
Úkimetke Sý keńesiniń jumysyn jandandyrýdy tapsyrdy. Jańa reformada aıtylǵan usynystardy sala mamandary da quptap, oń ózgerister kútip otyr, dep habarlaıdy Almaty-akshamy.kz.
Elimizdegi úlken ózenderdiń 80 paıyzy – transshekaralyq. Sondyqtan sý saıasatyna kelgende, kórshi elderge táýeldimiz. Memleketaralyq kelisimder bolǵanymen, maýsymdyq kezeńderde dıqandar sý tapshylyǵyn sezinip keledi. Sonyń ózinde ysyrapshyldyq kóp. Máselen, Syrdarıadan egistikter men shabyndyq jerlerge taraıtyn arnalardyń kóbi bitelip, gıdroqurylǵylardyń tozyǵy jetken. Mamandar sýdy únemdi paıdalaný úshin Keńes dáýirindegi tospalar men gıdronysandardy qaıta jańǵyrtyp, avtomattandyrý tehnologıasyn engizý qajet dep esepteıdi.
«Prezıdentimiz Joldaýynda jaqsy aıtyp ketti. Endi respýblıka kóleminde de úlken gıdrotehnıkalyq nysandar men úlken kanaldarǵa qarjy bólinedi degen senimdemiz. Sony biz jóndep, jańa tehnologıalar engizip, avtomatızasıa engizý arqyly biz ony az sýdy uqypty paıdalanamyz ba degen úlken úmitimiz bar», - deıdi «Qazsýshar» RMK óndiristik ýchaske basshysy Jorabek Nurymbetov.