Shaǵyn jáne orta bıznesti nesıeleý tetikterin iske asyrý úshin iri qarjylyq uıymdardy jumyldyrý qajet.
Óıtkeni kásipkerler men bankter ózara kelisimge kelýi qıyn. Ekonomıka salasynyń sarapshysy Vácheslav Dodonov osyndaı pikirde. Memleket basshysy Joldaýynda osy túıtkilge basa mán berdi. Atap aıtsaq, elimizde shaǵyn jáne orta kásipti damytýda 42 mıllıard dollar qarjy jetispeıdi. Bankterde qarjy bar, alaıda olar nesıe bermeý arqyly el ekonomıkasyna serpin bermeı otyr. Bul rette, Qasym-Jomart Toqaev Ulttyq bankke birqatar tapsyrma berdi. Shetel tájirıbesin eskerýdi aıtty.
«Eń aldymen, kásipkerler bıznes jospardy saýatty jasap úırenýi kerek. Olar aqsha alýǵa ótinish berýdiń joldaryn bilmeı jatady. Bul rette, iri qarjylyq uıymdardyń konsýltasıalyq, ıaǵnı, dánekerlik qoldaýy qajet. Bul - tikeleı Ulttyq banktiń jumysy», - deıdi ekonomıs Vácheslav Dodonov.