Medısına qyzmetkerleriniń arasyndaǵy respýblıkalyq baıqaýdyń qorytyndysy shyqty.
Onyń nátıjesi boıynsha Zamzagúl Bıahmetqyzy Chojıkova "Úzdik provızor" ataǵyn alyp, "Altyn Shipager" ulttyq medısınalyq syılyǵynyń ıegeri atandy, dep habarlaıdy Almaty-akshamy.kz
Ol emhananyń dırektory Gúlshahıra Ajymuqanqyzynyń basshylyǵymen Almaty qalasy Áýezov aýdany N6 qalalyq emhanasynyń joǵary sanatty provızory bolyp jumys isteıdi.
1990 jyly Almaty medısına ınstıtýtynyń farmasevtıka fakúltetin bitirip, eńbek jolyn Shyǵys Qazaqstan oblysynyń Maqanshy aýylynda bastadym, - deıdi jeńimpazymyz.
Zamzagúl Bıahmetqyzy kóptegen jyldar boıy óz pasıentterin dári-dármekpen qamtamasyz etýmen aınalysady, onyń qyzmetine dárilik preparattardyń sapasy men qaýipsizdigin baqylaý, dárihana pýnktteriniń jumysyn uıymdastyrý kiredi.
"Men óz kásibimdi maqtan tutamyn. Farmakologıa salasyndaǵy 33 jyldyń ishinde birneshe ret túrli marapattarǵa ıe boldym. Úlken jumys ótiline qaramastan, óz mamandyǵymdy jetildirý boıynsha kýrstardan ótýdi jalǵastyramyn, óıtkeni qazirgi zamanǵy medısınada bilim qoryn únemi tolyqtyryp otyrý qajet", - dep esepteıdi elimizdiń úzdik provızory.