Qazaqstandyqtar Eva Korysheva men Danıel Tazabekov Tennis Europe serıasy boıynsha 2023 jyldyń úzdik sheteldik oıynshysy atandy.
14 jasar Eva men 16 jasar Danıel Eýropa tenıs qaýymdastyǵynan (Tennis Europe Tour) «Jyldyń úzdik oıynshysy» (Eýropalyq odaq elderinen emes) syılyǵyna ıe boldy, dep habarlaıdy Almaty-akshamy.kz.
Ulttyq olımpıada komıtetiniń málimetinshe, E.Korysheva jyldy Ystanbul týrnırindegi jeńispen bastady. Sodan keıin Belgıada birinshi sanattaǵy jarysta úzdik shyqty. Eva Tennis Europe reıtıńinde jekeleı synda jyldy 18-orynmen qorytyndylady. Ol 24 utys, 5 jeńilispen (83 paıyz) rekordtyq kórsetkishke qol jetkizdi. Sondaı-aq juptyq synda eki márte chempıon atandy.
Tazabekov Tennis Europe aıasynda ótken jeti dodada baq synap, turaqty joǵary nátıjelerge ıe boldy. Sonyń nátıjesinde jyl sońynda 20-orynǵa kóterildi. Onyń rekordtyq kórsetkishi –15 jeńis, 7 utylys (68 paıyz). Bıyl ol juptyq synda eki ret Ispanıada Avıleste Apple Bowl jáne Italıada Tolentıno týrnırinde (ekeýi de birinshi sanat) ozyq shyqty.
Ótken jyly osyndaı ataqqa Zańǵar Nurlanuly, al 2021 jyly Zara Dárken ıe bolǵan edi.