Oqýshylar saraıynda Almaty mektepteriniń 9-11 synyp oqýshylary arasynda «Alashtyń aıbyny – Baýyrjan Momyshuly» atty qalalyq baıqaý ótti. Uly Jeńistiń 80 jyldyǵy men B.Momyshulynyń 114 jyldyǵy aıasyndaǵy sharany Oqýshylar saraıy men B.Momyshuly atyndaǵy №131 mektep-lıseı uıymdastyrdy.
Baıqaý 4 kezeńdi qamtydy.
«Eshkim de eshteńe de umytylmaıdy» kezeńinde oqýshylar B.Momyshulynyń týyndylarynan úzindilerdi jatqa aıtyp, (óleńderinen, naqyl sózderinen, prozalyq shyǵarmalarynan úzindiler ).
«Atadan qalǵan ósıet» kezeńinde jas aqyndar B.Momyshulyna ózderiniń arnaý óleńderin oqıdy.
«Bolmasań da, uqsap baq» kezeńinde B.Momyshulynyń «Ushqan uıa» shyǵarmasy boıynsha aıbyndy tulǵanyń rýhty beınesin ashyp, kreatıvti kórinis qoıdy.
Baıqaýdy sońǵy kezeńinde qatysýshylar jerebe boıynsha taqyryp alyp, jazba jumysyn oryndady. Essege qoıylatyn talaptar eskertildi.
Baıqaýǵa qatysýshylardyń óneri men jumystaryn quramynda belgili ǵalymdar men úzdik oqytýshylar bar ádilqazylar alqasy saralady. Jeńmpazdardy batyrdyń kelini Zeınep Ahmetova quttyqtap, júldelerdi tabys etti.
«Eshkim de, eshteńe de umytylmaıdy» atalymy boıynsha:
1 – oryndy Ermekuly Arman,
2 - oryn Nıazbek Abdýrrahım men Qýanysh Aıbyn, 3 – orynǵa Baıjanuly Maǵat, Nurjanqyzy Arýjan, Artelbek Aıym laıyq dep tanyldy.
«Atadan qalǵan ósıet» atalymy boıynsha:
1 - orynǵa Myrzaly Ernazar, 2 – orynǵa Jumahan Mıras, Janǵabyl Erǵulan,jáne 3 – orynǵa Ýalıhan Nuraıym, Sabyrqul Abzal, Eljan Beıbarys ıe boldy.
«Bolmasań da, uqsap baq» atalymyna:
1 – oryndy B. Momyshuly atyndaǵy №131 mektep - lıseı oqýshylary,
2 – oryndy №108 mektep - gımnazıa oqýshylary men №187 mektep oqýshylary, 3 – oryndy №138 gımnazıa, №59 mektep - gımnazıa jáne №16 mektep oqýshylary jeńip aldy.
“Esse jazý” atalymy boıynsha:
1-orynǵa Qudaıbergen Aıajan, 2- orynǵa Serikhan Arys, Maýlen Jasmın
3- orynǵa Ahmet Aıdana, Jumataı Toǵjan, Aslanbek Kaýsar ıe boldy.
Taqyrypqa oraı:
Roza Dostanova, B.Momyshuly atyndaǵy № 131 mektep-lıseıiniń dırektory
-Bizdiń mekteptiń oqýshylary dańqty qolbasshy, maıdanger-jazýshy Baýyrjan Momyshulynyń ómiri men shyǵarmashylyǵymen jaqsy tanys. Batyrǵa arnalǵan murajaı bar. Mektebimizde batyrdyń týǵan kúninde oqý ozattaryn «jas Baýyrjanshylar» qataryna qabyldaý úrdisi bar. Olar batyr ósıetin oryndap, eli men jerin, tili men dilin qurmetteýge ant beredi. Sol údeden shyǵyp ta júr. Ótkizilip otyrǵan baıqaý barysynda biz batyr shyǵarmalaryn keńinen nasıhattap, óskeleń urpaqty ulttyq ata-dástúr rýhyna baýlý arqyly jastardyń shyǵarmashylyǵyn shyńdasaq deımiz. Oqýshylarǵa Baýyrjan Momyshuly shyǵarmalaryn nasıhattaı otyryp, daryndy balalarǵa qoldaý kórsetsek deımiz.