Búgingi tańda Qazaqstannyń alty óńirinde 638,8 myń ga astyq alqaby jınaldy.
Egin jınaý naýqany Almaty, Jetisý, Jambyl, Túrkistan, Abaı, Qyzylorda, Batys Qazaqstan, Shyǵys-Qazaqstan oblystarynda, sondaı-aq Shymkentte bastaldy, dep habarlaıdy Almaty-akshamy.kz.
QR ASHM baspasóz qyzmetiniń málimetinshe, eldiń barlyq aımaqtarynda jappaı egin jınaý tamyzdyń úshinshi onkúndiginde bastalyp, qarashaǵa deıin jalǵasady. Ortasha ónimdilik gektaryna 14 sentner, 1079,6 myń tonna astyq bastyryldy.
Egin jınaý naýqanyn ótkizý úshin 426 myń tonna arzandatylǵan dızel otynyn bólý josparlanǵan. Búgingi tańda 78,2 myń tonnasy tólenip, shamamen 45,7 myń tonna jóneltildi.
Bıyl Energetıka mınıstrligi ýákiletti organ retinde MÓZ-den dızel otynynyń satý baǵasyn tonnasyna 284 myń teńge deńgeıinde bekitti. Jetkizý jónindegi operatorlardyń shyǵyndaryn eskere otyryp, fermerler úshin ortasha baǵa lıtrine 269 teńgeni quraıdy, bul naryqtyq qunnan 9% tómen.
Oblystardyń ákimdikteri josparly rejımde astyq saqtaý qoımalarynyń daıyndyǵyn qamtamasyz etý boıynsha qajetti jumystardy istep jatyr. Elevatorlardyń aǵymdaǵy qýaty 29,9 mln tonnany quraıdy, onyń ishinde astyq qabyldaý kásiporyndarynda – 13 mln tonna, aýyl sharýashylyǵy taýaryn óndirýshilerde – 16,9 mln tonna.
Osylaısha, saqtaý qýattylyǵynyń kórsetilgen kólemi ótken jyldardaǵy aýyspaly qaldyqtardy eskere otyryp, boljamdy egindi saqtaý úshin jetkilikti.