Qazaqstanda telefon kodyn ózgertý máselesi qalaı sheshilip jatyr?
Baǵdat Mýsınniń aıtýynsha, Qazaqstanda telefon kody +7-den +77-ge ózgerýi múmkin, dep habarlaıdy Almaty-akshamy.kz
Sıfrlyq damý, ınovasıalar jáne aeroǵarysh ónerkásibi mınıstri AQSH-qa sapary barysynda Halyqaralyq elektrbaılanys odaǵynyń (ITU) basshysymen kezdesip, Qazaqstannyń telefon kodyn ózgertý máselesin talqylaǵanyn atap ótti.
"Qazirgi kod +7. Men AQSH-ta bolǵanymda ITU basshysy Dorın Bogdan-Martınamen kezdestim. Onymen bul máseleni talqyladyq. +997-ge ótý qıyn emes. Bul nómirdi bizge rezervke qoıdy. Biraq ITU-ge bizge +7 emes +77 qaldyrýdy usyndym. Alaıda ITU bir kúnde sheshim qabyldaı almaıdy, óıtkeni ol halyqaralyq uıym jáne mundaı ótinishter boıynsha kezdesýler men talqylaýlar ótkizýi kerek. Bizge ózgertý týraly usynysty talqylaýǵa ýáde berdi. Qazaqstanda basqa eldermen birge qoldanylatyn +7 emes, óziniń +77 kody bolady dep úmittenemiz", - dedi ol.