Qazaqstannyń shyǵysyndaǵy Marqakól memlekettik qoryǵy IýNESKO-nyń Búkilálemdik bıosferalyq rezervattar jelisine kirdi.
Bul – osy tizimnen oryn alǵan elimizdiń úshinshi erekshe qorǵalatyn tabıǵı aýmaǵy, dep habarlaıdy Almaty-akshamy.kz Qazaqtv.com saıtyna silteme jasap.
Buǵan deıin planetanyń «jasyl» standartynyń bedeldi qataryn 2017 jyly Qatonqaraǵaı ulttyq tabıǵı parki tolyqtyrsa, 2020 jyly bul tizimge Batys Altaı qoryǵy qosyldy. Sarapshylardyń pikirinshe, tabıǵatty qorǵaý mekemesiniń halyqaralyq bıosferalyq rezervattar jelisine qosylýy ǵylymı jobalardy keńinen júrgizýge jol ashady. Marqakól qoryǵynyń jalpy aýdany 103 myń gektardy alyp jatyr. Sondaı-aq, bul – Qazaqstannyń eń sýyq buryshy, tipti jazda da túnde temperatýra nólge deıin tómendeıdi. Florasy men faýnasy da alýan túrli.