Keı óńirlerde aýa temperatýrasy +40 +45°S deıin kóteriledi.
«Qazgıdromet» mamandary 26-28 shildesine arnalǵan aýa raıy boljamyn aıtty, dep habarlaıdy Almaty-akshamy.kz.
Respýblıka boıynsha turaqsyz aýa raıy saqtalady, jańbyr jaýady. 26 shildede batysta, 27-28 shildede eldiń soltústik-batysynda, soltústiginde naızaǵaı, daýyl, burshaq kútiledi.
«Kúndizgi ýaqytta respýblıkanyń batys óńirlerinde aýa temperatýrasynyń +25 +35°S-tan +30 +40°S-qa deıin kóterilýi kútilýde, al eldiń soltústik-batysynda, soltústiginde aýa temperatýrasynyń kúndiz +30 +35°S-tan +20 +30°s-qa deıin birtindep tómendeýi boljanýda», - delingen sınoptıkterdiń habarlamasynda.
Qazaqstannyń ortalyǵynda aýa temperatýrasy +30 +38°S-tan +27 +35°S-qa deıin tómendeıdi, eldiń shyǵys oblystarynda bolsa, aýa temperatýrasy +22 +32°S-tan +27 +38°S-qa deıin kóteriledi. Al Qazaqstannyń ońtústiginde, ońtústik-shyǵysynda óte qatty ystyq aýa raıy saqtalady: +40 +45°S.