Qujat Ashyq NQA veb-saıtynda 9 qańtarǵa deıin talqylanady.
Memlekettik kirister organdarynyń QR Eńbek jáne halyqty áleýmettik qorǵaý mınıstrligine salyq tóleýshi (salyq agenti) týraly salyqtyq qupıany quraıtyn málimetterdi salyq organynyń jazbasha ruqsatynsyz usyný qaǵıdalaryna ózgerister ázirlendi, dep habarlaıdy Almaty-akshamy.kz
Sonymen, salyqtyq qupıany quraıtyn málimetterge mynalardy qosý usynylady:
derbes salyq salýǵa jatatyn jeke tulǵa tabystarynyń somalary;
salyq tóleýshiniń ornalasqan jeri boıynsha memlekettik kirister organy týraly málimetter.
Túsindirilgendeı, buıryq jobasyn qabyldaý mıkro jáne shaǵyn kásipkerlik sýbektileriniń eńbekaqy qoryna túsetin jalpy júktemeni azaıtady.
Sonymen qatar, salyqtyq qupıany quraıtyn málimetterge mynalar jatady:
Búdjetpen, sondaı-aq áleýmettik tólemdermen esep aıyrysýdyń jaı-kúıi (salyq tóleýshiniń jeke shotynan úzindi kóshirme).
Salyq agenti aýdarǵan jeke tabys salyǵynyń somasy jáne kezeńder (jarty jyl, jyl) boıynsha qyzmetkerlerdiń sany.
Ózin-ózi jumyspen qamtyǵan jeke tulǵalardyń jáne jeke praktıkalyq dárigerlerdiń salyq kezeńi ishinde alǵan jıyntyq jyldyq tabysy/kirisi (túzetilgen).
Salyq agentiniń jeke tulǵaǵa kezeńder (toqsan, jarty jyl, jyl) boıynsha eseptegen tabys somasy.
Salyq agenti jeke tulǵa úshin kezeńder (toqsan, jartyjyl, jyl) boıynsha esepteıtin jeke tabys salyǵynyń somasy.
Kezeńder (toqsan, jartyjyldyq, jyl) boıynsha salyq agenti jeke tulǵaǵa esepteıtin mindetti zeınetaqy jarnasynyń somasy.
Kezeńder (toqsan, jartyjyldyq, jyl) boıynsha jeke tulǵa úshin salyq agenti esepteıtin áleýmettik aýdarymdar somasy.
Mindetti áleýmettik medısınalyq saqtandyrý boıynsha salyq agenti jeke tulǵa úshin kezeńder (toqsan, jarty jyl, jyl) boıynsha esepteıtin shegerimderdiń somasy.