2025 jyldyń eki aıynda İshki ister mınıstrligi elimizdiń quqyq qorǵaý organdarymen izdeýde júrgen 311 kúdiktini ustady, dep habarlaıdy aqshamnews.kz Polisia.kz-ke silteme jasap.
Onyń ishinde:
kisi óltirgeni úshin - 7 adam;
qaraqshylyq shabýyl jasaǵany úshin - 1 adam;
densaýlyqqa qasaqana aýyr zıan keltirgeni úshin - 6 adam;
tonaý jasaǵany úshin - 7 adam;
bopsalaý qylmysy úshin – 1 adam;
urlyq úshin - 75 adam;
esirtkimen baılanysty qylmystar úshin 10 adam quryqtaldy.
Sonymen qatar habar-osharsyz ketken 145 adamnyń júrgen jeri anyqtaldy.
- Ótken jyly Astana qalasynda turatyn azamattyń avtokóligin ashyq túrde tartyp alǵan 40 jastaǵy er adam Túrkistan oblysynda ustaldy. Mańǵystaý oblysynda 50 jastaǵy er adam quryqtaldy. Ol byltyr jazda toǵyz keliden astam gashısh satqan, - dedi İİM krımınaldyq polısıa departamentiniń bastyǵy Qanat Nurmaǵambetov.
Qazaqstan polıseıleri TMD jáne alys shet elder úshin 85 qylmyskerdi ustady.
- Mysaly, Túrkistan oblysynda memlekettik shekaradan ótpek bolǵan kezde eki jyl buryn Máskeý turǵynyn óltirgeni úshin izdeýde júrgen 42 jastaǵy Ózbekstan azamaty ustaldy. Sondaı-aq Jambyl oblysynda shetel azamaty ustaldy. 2014 jyly Tájikstan polıseıleri odan 72 keliden astam gashısh tárkilegen, - dedi Qanat Nurmaǵambetov.
Spıkerdiń sózinshe, sheteldik áriptestermen turaqty negizde jumys júrgizilýde, sonyń nátıjesinde respýblıkadan tys jerlerde izdeýde bolǵan 21 adam anyqtalyp, ustaldy.
- Polshadaǵy Varshava áýejaıynda er adam ustaldy. Ol 2014 jyly Qazaqstan Respýblıkasy azamattaryn aldap, bir mıllıondaı AQSH dollaryn qoldy etken. Túrkıa Respýblıkasynyń Antalá qalasynda 39 jastaǵy áıel ustaldy. Ol da almatylyq turǵyndardy aldap, 146 myń AQSH dollar alǵan. Bul baǵyttaǵy jumys jalǵasýda, - dedi polısıa polkovnıgi.