Almatyda «Taza Qazaqstan» baǵdarlamasy men «Almaty – bizdiń ortaq úıimiz» naýqany aıasynda kemirgishterge qarsy aýqymdy deratızasıa qolǵa alyndy, dep habarlaıdy aqshamnews.kz
5 naýryz ben 5 sáýir aralyǵynda segiz aýdandaǵy jasyl jelekter, ózen jaǵalaýlary, aryqtar, aıaldamalar jáne qoqys konteınerleri ornalasqan alańdarda kemirgishterge qarsy ýlaý jumystary júrgiziledi. Jeke sektor turǵyndary ýly jemdi tegin ala alady. Infeksıalyq aýrýlardyń aldyn alý úshin deratızasıa jylyna eki ret jasalady. Qoqysty joıý, káriz júıesin jóndeý jáne jertólelerdi tazartý jumystary qatar júrgizilip otyr.
10-16 naýryz aralyǵynda «Taza saıabaqtar men skverler» aptalyǵy ótedi. Onyń aıasynda senbilikter, kógaldandyrý sharalary, ekologıalyq dárister, sheberlik dáristeri, ploggıng jáne merzimi ótken dári-dármekti jınaý uıymdastyrylady. Aksıaǵa 445 saıabaq, skver jáne jaǵalaý aýmaqtary qatysady. «Almaty – bizdiń ortaq úıimiz» naýqany qala turǵyndarynyń ekologıalyq saýatyn arttyrýǵa jáne qorshaǵan ortaǵa jaýapkershilikpen qaraý mádenıetin qalyptastyrýǵa baǵyttalǵan.
