Aıryqsha bilim oshaǵy salynbaq
Memleket pen bıznestiń tıimdi yqpaldastyǵy. Elordada sońǵy bes jylda bul salaǵa 16 jobany iske asyrýǵa 60 mlrd teńgeden astam ınvestısıa tartyldy.
Onyń 11 mıllıardtan astamy – sheteldik kapıtal salymdary. Bul týraly «Astana Invest» ókili Nurbol Altaev málimdedi.
Onyń aıtýynsha, 2020 jyldan bastap el astanasynda MJÁ aıasynda 7 nysan qurylysy kózdelgen. Olardyń basym bóligi bilim berý salasyndaǵy jobalar, atap aıtqanda qalada jańa formattaǵy ınovasıalyq mektepter boı kóteredi.
«Búginde 5 mektepti salýǵa kelisim jasaldy, sonyń arqasynda oqýshylardyń oryn tapshylyǵy 20 myńǵa qysqardy. Qazir taǵy bir mekteptiń qurylysy boıynsha kelisim júrgizilýde, jyl sońyna deıin sheshiledi dep oılaımyz. Nátıjesinde mektepter sany 6-ǵa jetpek. Bir mektep osy jyldyń qyrkúıek aıynda ashyldy, taǵy úsheýi jyl sońyna qaraı ashylady dep kútilýde. Bul oqý ordalarynyń artyqshylyǵy – fızıka, matematıka, hımıa pánderine basymdyq berilip, kınozaldar, muǵalimder men oqýshylarǵa arnalǵan kovorkıng-ortalyqtar, robot tehnıkasy men nanotehnologıa zerthanalary bar», - dedi «Astana Invest» MJÁ Departamentiniń dırektory Nurbol Altaev.