Infraqurylymdyq jobalar júzege asyrylýda
Prezıdenti janyndaǵy Ortalyq komýnıkasıalar qyzmeti alańynda elimizdiń kólik-tranzıttik áleýetin damytýǵa arnalǵan dóńgelek ústel ótti, dep habarlaıdy Almaty-akshamy.kz IIDM baspasóz qyzmetine silteme jasap.
Jıyn barysynda spıkerler avtomobıl joldarynyń ınfraqurylymyn damytý men magıstraldy baǵyttardaǵy jóndeý jumystary týrasynda jáne kólik-logıstıkalyq salasynyń mańyzy jaıynda baıandady.
Dóńgelek ústelge QR IIDM komıtetteriniń tóraǵalary Tólegen Abdýllın men Qasym Tlepov, kólik salasyndaǵy táýelsiz sarapshy, «Kazlogistics» Qazaqstan kólik Odaǵy tóraǵasynyń orynbasary Iýrıı Lavrıenko, «QTJ» UK» AQ Tóraǵasynyń orynbasary Qanat Almaǵambetov jáne «Transkaspıı halyqaralyq kólik dálizi» Halyqaralyq Asosıasıasy» ZTB bas hatshysy Gaıdar Ábdikerimov qatysty.
Brıfıń barysynda belgili bolǵandaı, bıylǵy jyldyń sońyna deıin «Qaraǵandy – Balqash» ýchaskesiniń barlyq baǵyty ashylyp, paıdalanýǵa berilmek. Búginde jańa kólik dáliziniń 277 shaqyrymynda jol qozǵalysy ashylǵan. Bul týraly Avtomobıl joldary komıtetiniń tóraǵasy Tólegen Abdýllın málimdedi.
«Balqash – Býrylbaıtal» jáne «Býrylbaıtal – Kúrti» baǵytyndaǵy jol jelisi 2023 jyldyń aıaǵyna deıin iske qosylady. Sonymen qatar qazirgi tańda «Kúrti – Qapshaǵaı» ýchaskesinde tolyqqandy qurylys-montaj jumystary júrgizilýde. Atalǵan jobany júzege asyrýǵa 277 ınjenerlik jáne óndiristik maman tartylyp, eńbek etýde. Bul jol jelisi 2024 jyly ashylady dep boljanýda», – dedi QR IIDM ókilderi.
Spıkerlerdiń aıtýynsha, «Batys Eýropa – Batys Qytaı» halyqaralyq kólik dáliziniń «Qyzylorda – Qarabutaq – Aqtóbe – RF shekarasyna deıin» ýchaskesin rekonstrýksıalaý jumystary eki kezeń boıynsha júzege asyrylmaq.
Al «Taldyqorǵan – Qalbataý – Óskemen» baǵytyndaǵy avtomobıl joly kelesi jyly ashylady kútilýde. Atalǵan kólik dáliziniń jalpy uzyndyǵy 768 shaqyrymdy quraıdy. Onyń 37 shaqyrymy birinshi tehnıkalyq kategorıaǵa jatsa, 731 shaqyrymy ekinshi sanatta. Bul jol jelisiniń barlyq baǵyty 2022 jyldyń sońyna qaraı ashylmaq. Al tolyqqandy jóndeý jumystary kelesi jyly aıaqtalady.
Al QR IIDM Kólik komıtetiniń tóraǵasy Qasym Tlepov elimizdiń kólik-logıstıkalyq kesheniniń mańyzy jaıynda jáne osy baǵytta atqarylyp jatqan jumystar týrasynda jan-jaqty áńgimeledi. Transkaspıı halyqaralyq kólik dálizi – Qazaqstannyń tranzıttik jáne eksporttyq múmkindigin arttyrýda mańyzdy ról atqarady. Atalǵan kólik marshrýty Ázerbaıjan, Grýzıa, Túrkıa arqyly Eýropaǵa jol ashady.
«Bizdiń aldymyzda atalǵan kólik dáliziniń ótkizý múmkindigin arttyrý maqsaty tur. Sonymen qatar Aqtaý porty arnaıy ekonomıkalyq aımaǵynda konteınerlik hab qurý kózdelip otyr. Bul Transkaspıı transporttyq marshrýty arqyly júk tasymaldaý múmkindigin arttyrýǵa septesedi. Jobaǵa álemdik iri logıstıkalyq kompanıalar tartylmaq. Sondaı-aq Kaspıı teńizindegi parom floty jetispeýshiligine baılanysty ózimizdiń 10 parom flotyn salý kózdelýde», – dep atap ótti spıker.
Aıta keterligi, qazirgi kúnde temir jol salasynda da birqatar ınfraqurylymdyq jobalar belsendi túrde júzege asyrylýda. «Qýatty óńirler – el damýynyń draıveri» ulttyq jobasy sheńberinde Dostyq – Moıynty, Darbaza – Maqtaaral, Almaty beketin aınalyp ótetin temir jol jelisi jobalary qolǵa alynǵan.