Mańyzdy memlekettik mindetti iske asyrý maqsatynda Halyqaralyq aqparattyq tehnologıalar ýnıversıteti (HATÝ) álemniń úzdik IT-joǵary oqý oryndarymen jáne kompanıalarymen áriptestikte bilim berý baǵdarlamalaryn ázirleýde.
«Eńbek daǵdylaryn damytý jáne jumys oryndaryn yntalandyrý» jobasy sheńberinde QR Eńbek jáne áleýmettik qorǵaý mınıstrligimen jáne Dúnıejúzilik bankiniń qoldaýymen HATÝ 40 bilim berý baǵdarlamasyn ázirlep engizdi, olardyń kópshiligi biregeı. Bul baǵdarlamalar jumys berýshilerdiń talaptary men joǵary halyqaralyq standarttardy eskere otyryp, sheteldik seriktester – Inha University jáne Hof University-men birlesip ázirlendi.
HATÝ álemge áıgili Coursera onlaın bilim berý platformasymen yntymaqtastyq ornatqan jáne Coursera for Campus joǵary oqý oryndary úshin arnaıy ónimdi engizgen Qazaqstan men Ortalyq Azıadaǵy alǵashqy ýnıversıtet bolyp tabylady. Oqytýshylar men stýdentterge 2,5 myń Coursera lısenzıasy bólingen, bul olarǵa álemniń jetekshi joǵary oqý oryndarynan onlaın kýrstan ótýge múmkindik beredi.
Microsoft kompanıasy HATÝ-dy álemniń 30 ýnıversıteti ǵana qatysatyn «Microsoft Learn for Educators Institutional Program» jahandyq baǵdarlamasyna qosty. Sondaı-aq, joǵary oqý orny Amazon Web Service Academy, Huawei, Cisco, IBM, Kasperskıı Zerthanasy jáne t.b. IT-ındýstrıanyń joǵary tehnologıalyq vendorlarymen yntymaqtastyqty belsendi damytýda.
«Halyq bank» AQ-men birge IT-ýnıversıtet «Aqparattyq júıeler», «Úlken derekterdi taldaý», «Bıznes-taldaý», «Qarjylyq tehnologıalar» jáne t.b. bilim berý baǵdarlamalaryna qosylǵan bank tehnologıalarynyń negizgi stekiniń birqatar pánderi men modýlderin engizýge kiristi, bul ozyq banktik tehnologıalarmen jumys jasaýda praktıkalyq daǵdylary bar mamandardy daıarlaýdy júzege asyrýǵa múmkindik beredi.
QR Radıoelektronıka jáne baılanys áskerı-ınjenerlik ınstıtýtymen «Kıberqaýipsizdik» birlesken bilim berý baǵdarlamasy sheńberinde kadrlar daıarlaý boıynsha jumys jalǵasýda. S.Amanjolov atyndaǵy Shyǵys Qazaqstan memlekettik ýnıversıtetimen yntymaqtastyqta «Bıznes-jýrnalıstıka, SMM & PR» birlesken bilim berý baǵdarlamasy ázirlendi. Sıfrlyq jýrnalısıka – «Sıfrlyq medıatehnologıa jáne derekterdi vızýalızasıalaý» boıynsha magıstratýra ashyldy, «Halyqaralyq jýrnalısıka» atty jańa baǵdarlamasyn ashý josparlanýda.
HATÝ óziniń áleýmettik mısıasyn da belsendi túrde júzege asyratyndyǵyn atap ótken jón. Mysaly, egde jastaǵy adamdar úshin «Kúmis ýnıversıtet» jobasy tabysty júzege asyrylýda, onda olar IT-salasynda jumys isteýge qajetti bilim men daǵdylardy ıgere alady.
Joǵary bilikti maman bolý jáne eńbek naryǵynda suranysqa ıe bolý úshin elimizdiń jetekshi IT-ýnıversıtetinde bilim alýshylarǵa barlyq jaǵdaı jasalǵan. Bilim berý prosesinde stýdentterdiń qajetti quzyrettiligi men praktıkalyq jumys daǵdylaryn qalyptastyrýǵa erekshe kóńil bólinedi. Ýnıversıtette stýdentterge kásipkerlik daǵdylardy damytýǵa kómektesetin jáne startaptarǵa ınvestısıa salýǵa múmkindik beretin Innovation Center jumys atqarýda.
Bilim berý baǵdarlamalary men oqýǵa túsý sharttary týraly tolyq aqparatty HATÝ-da, Manas kóshesi, 34/1 meken-jaıy boıynsha, sonymen birge www.iitu.edu.kz saıtynan jáne qabyldaý komısıasynan alýǵa bolady – tel. 8 (727) 320-00-00 jáne 320-00-01 (bakalavrıat), 244-51-12 (magıstratýra-doktorantýra).