Tumaýdyń aldyn alý
Alekseı Soı qazaqstandyqtardy vaksına alýǵa shaqyrdy, dep habarlaıdy Almaty-akshamy.kz.
«Kúz kelip, kún sýyta bastaǵanda, ımýnıtettiń tómendeıtinin bilemiz. Bul - qalypty jaǵdaı. Osy kezeńde salaýatty ómir saltyn ustanyp, sportpen shuǵyldaný jáne kókónis pen jemis-jıdekti kóbirek jeý óte mańyzdy. Sonymen qatar ımýnıtetti qorǵaý men sýyqtan saqtaýdyń taǵy bir joly - ýaqytyly ekpe alý. Qazir elimizde tumaýǵa qarsy jappaı vaksınasıa júrip jatyr. Ásirese, tumaýǵa qarsy ekpe alýdy osal topqa jatatyn azamattar arasynda keńinen júrgizý mańyzdy bolyp otyr. Osy oraıda elimizdiń barlyq azamattaryn tumaýǵa qarsy vaksına alýǵa shaqyramyn», - dedi A. Soı Úkimet úıinde onlaın ótken baspasóz máslıhatynda.
Buǵan deıin mınıstr elimizde vaksına alý prosesi qarqyndy júrip, epıdjaǵdaıdyń jaqsaryp kele jatqanyn málimdedi. Sondaı-aq, vedomstvo basshysy Qazaqstanda koronavırýs indetimen kúreste qaıta vaksınalaý máselesi qaralyp jatqanyn aıtty. Onyń aıtýynsha, revaksınasıa máselesin qaraý úshin quramynda ǵalymdar men sala mamandary bar arnaıy jumys toby qurylǵan.