Memleket basshysy Q.K. Toqaevtyń «Egemen Qazaqstan» gazetinde jarıalanǵan suhbaty qoǵamnyń kókeıinde júrgen talaı túıitkildi suraqtarǵa shynaıy jaýap bergen ashyq áńgime boldy. Memlekettiń damýy, qoǵamnyń bolashaǵy, ishki-syrtqy saıasat tolyq qamtyldy.
Qazir álemdik saıasat aýmaly-tókpeli kúrdeli kezeńdi bastan ótkerýde. Kóptegen aımaqtarda janjaldar oryn alýda. Osyndaı syndarly kezeńde elimiz qandaı saıasat ustanyp, qaı baǵytta damýy kerek ekeni suhbatta naqty aıtylǵan. Prezıdenttiń álem elderimen ıntegrasıalyq baılanys tereńdeı beredi, ásirese kórshiles Reseı men Qytaımen saýda ekonomıkalyq áriptestik jańasha qarqyn alý kerek degeni óte oryndy pikir boldy. Sebebi búginde Qytaı memleketi damýdyń jańa satysyna kóterilgen asa iri qýatty el. Osy áleýetti tıimdi paıdalaný bizdiń damýymyzǵa jańasha sıpat bermek. Suhbat barysynda Prezıdent osy máseleni naqty ári dál atap ótti.
Sondaı-aq jastar máselesi de suhbattyń súbeli bóligi boldy. Elimizdiń bolashaǵyn bilimdi de bilikti jastar qalyptastyrady. Qazir olardyń barlyq áleýetin kórsetetin múmkindikter bar degen Prezıdent, aldaǵy ýaqytta da basty nazar oqý men bilimge, kásibı damýǵa arnalatynyna toqtaldy. Ia, rasymen de qazir jastar máselesine bilim men ǵylymǵa erekshe qoldaý jasalýda. Mysaly munyń naqty dálelin ál Farabı atyndaǵy Qazaq ulttyq ýnıversıtetinen anyq baıqalǵan bolady. Jyl saıyn granttar qatary artýda. Jańa oqý ǵımarattary men stýdentterdiń damýyna arnalǵan túrli baǵyttar kóptep ashylýda. Jastardy áleýmettik turǵydan qoldaý artty. Munyń barlyǵy memlekettiń oń saıasatynyń arqasynda júzege asyp otyrǵan ıgilikti ister. Prezıdent aldaǵy ýaqytta da osyndaı oń qadamdar jalǵasady beretin atap ótti.
Qasiretti qańtar oqıǵasyna qatysty da buryn-sońdy aıtylmaǵan aqıqattardy ashyp aıtqandyǵy óte oryndy boldy. Óıtkeni bul da qoǵamdaǵy ózekti máseleniń biri bolatyn.
Prezıdent eldiń bolashaqqa degen senimin nyǵaıtyp, ekonomıkamyzdy damytý úshin tynbaı eńbek etip keledi. Otandyq óndiriske kóptegen ınvestorlardy tartyp, memleketimizdiń ishki de syrtqy jaǵdaıynyń turaqtylyǵyn arttyrýda. Memleket basshysy qashan da ádildik pen shynaılyqtyń úlgisi bolyp tabylady. Búgingi suhbat osynyń naqty dáleli. El kókeıinde júrgen suraqtarǵa jaýap bere otyryp, Prezıdentimiz Memleketimizdiń bolashaǵyna qatysty senimdi jáne naqty qadamdardyń jasalǵanyn, olardyń saıası, ekonomıkalyq, zańnamalyq negizderiniń tolyq qalyptasqanyn jáne el ekonomıkasynyń serpindi damýyna barlyq alǵysharttardyń bar ekendigin aıtty. Ol úshin elimizdiń tutastyǵy, oǵan negiz bolatyn halqymyzdyń yntymaǵy men birliginiń asa mańyzdylyǵyn basa aıtty.
Ultymyz ben urpaǵymyzdyń bolashaǵy úshin, árbir Qazaqstandyqtyń judyryqtaı birigip, jumyla eńbek etýi mańyzdy ekendigin taǵy da atap ótti.
Táýelsizdik – basymyzdaǵy baq. Ony aıalaı bilý – bárimizdiń mindetimiz. Sondyqtan da Prezıdenttiń qoǵam aldyna qoıyp otyrǵan talaptary óte oryndy ári mańyzdy. Parasat pen paıymǵa qurylǵan osy suhbat, qoǵam damýynyń bolashaǵyn aıqyndaıtyn mańyzdy qadamdarǵa jol ashary sózsiz.
Boltaeva Aıgúl Janatqyzy
ál Farabı atyndaǵy QazUÝ "Bıznes-tehnologıalar" kafedrasynyń aǵa oqytýshysy