Qazaqstannyń birinshi, álemniń 4-raketkasy Elena Rybakına Brısben (Aýstralıa) WTA 500 týrnıriniń fınalyna shyqty, dep habarlaıdy almaty-akshamy.kz
Jarystyń 2-raketkasy bolyp tirkelgen qazaqstandyq tenısshi jartylaı fınalda dúnıejúzilik reıtıńte 40-orynda turǵan 19 jastaǵy chehıalyq Lında Noskovamen sheberlik baıqasty.
Osyǵan deıin qos tenısshi ótken jyly Fransıa ashq chempıonatynda kezdesip, onda E.Rybakına 6:3, 6:3 esebimen jeńgen edi.
Bul joly birinshi partıany qazaqstandyq sportshy qarqyndy bastady — 3:0. Sol basymdylyǵynan set bitkenshe aıyrylǵan joq — 6:3.
Ekinshi sette esep 1:1 bolǵan mezette Rybakına breıkpen alǵa shyqty. Sodan keıin taǵy bir breık jasap, machty jeńispen túıindedi — 6:2.
Bir saǵat 5 mınýtqa sozylǵan báseke barysynda Elena 8 eıs jasap, 5 breık-poınttyń úsheýin múlt jibergen joq. L.Noskova 1 eıspen shekteldi.
Elena Rybakına fınalda qos belorýssıalyq, álemniń 2-raketkasy Arına Sobolenko nemese reıtıńte 23-satydaǵy Vıktorıa Azarenkonyń bireýimen bas júldeni sarapqa salady.