Túrkistan oblysynyń túrli qurylys nysandarynda qujatsyz jumys istep júrgen 633 shetel azamaty anyqtaldy
Bul týraly QR İİM Kóshi-qon qyzmetiniń erekshe tapsyrmalar jónindegi aǵa ınspektory Baýyrjan Omarov málim etti, dep habarlaıdy Almaty-akshamy.kz.
«Túrkistan oblysynyń túrli qurylys nysandarynda qujatsyz jumys istep júrgen 633 shetel azamaty anyqtaldy. Dál osyndaı faktiler Shymkent qalasynda, Aqmola, Atyraý, Shyǵys Qazaqstan oblystarynda belgili boldy. Zańsyz jumys istegen sheteldikter men olardyń jumys berýshilerge jaýapkershilikke tartyldy», - dedi ol İshki ister mınıstrliginde ótken brıfıń barysynda.
Onyń atap ótýinshe, azamattarymyz da jeńil jolmen paıda tabý maqsatynda sheteldikterge turǵyn jaı usynady nemese kóshi-qon zańnaasyn buzatyn zańsyz kóshi-qonǵa kómek kórsetedi.
«Máselen, osy jyldyń qyrkúıek aıynda elimizdiń aýmaǵyna zańsyz kelgen 3 sheteldikke turǵyn jaı bergen. Atalǵan fakti boıynsha «turǵyn jaı berý arqyly zańsyz kóshi-qondy uıymdastyrýǵa» qatysty tekserý júrip jatyr», - dep atap ótti Baýyrjan Omarov.