Almaty polıseıleri qaıyrshylardyń ornyn tekserdi
Kóshi-qon qyzmetiniń málimetinshe, qoǵamdyq oryndarda qaıyr suraǵandar arasynda shetel azamattary kóp, dep habarlady Almaty-akshamy.kz
«Aıtpaqshy, bul kúnderi shaharda ótip jatqan «Kelimsek» is-sharasyna qatysty balaly áıelder anyqtaldy. Olar – Ózbekstan azamattary. Belgili bolǵandaı, olar Almatyǵa arnaıy qaıyr suraý úshin kelgen. Áıelder QR ÁQbK-niń 517-baby 3-bóliginde kózdelgen quqyq buzýshylyq belgileri boıynsha ákimshilik jaýapkershilikke tartyldy. Olardyń balalary náresteler úıine jiberildi. Jalpy, joldyń júrý bóliginiń ortasynda qaıyr suraıtyn adamdar ózderine ǵana emes, jol qozǵalysynyń basqa da qatysýshylaryna qaýip tóndiredi. Patrúldik polısıa qyzmetkerleri qyzmet barysynda osyndaı faktilerdi anyqtap, olardy aýdandyq polısıa basqarmasyna jetkizedi. Eger olardyń arasynda sheteldik azamattar bar bolsa, bizdiń bólimsheniń qyzmetkerleri kirisedi», – dedi Almaty qalalyq PD Kóshi-qon qyzmeti basqarmasy bastyǵynyń orynbasary Gennadıı Men.