Osy jyldyń basynan beri salymshylardyń shotyna jalpy kólemi 1,2 trln teńge zeınetaqy jarnasy aýdarylǵan
2021 jylǵy 1 qazandaǵy jaǵdaı boıynsha, Qazaqstan salymshylarynyń zeınetaqy jınaǵynyń somasy 13,1 trıllıon teńge boldy, dep habarlaıdy Almaty-akshamy.kz
«2021 jyldyń qazanyna qaraı Biryńǵaı jınaqtaýshy zeınetaqy qory salymshylarynyń shotynda 13,1 trıllıon teńge zeınetaqy jınaǵy qalyptasty. Bir jylda zeınetaqy jınaǵynyń somasy 569,5 mıllıard teńgege para-par nemese 5%-ǵa ósti»,– delingen habarlamada.
Zeınetaqy jınaqtarynyń negizgi somasy mindetti zeınetaqy jarnasy esebinen qalyptasty, onyń mólsheri - 12,7 trln teńge. Mindetti kásiptik zeınetaqy jarnasy boıynsha zeınetaqy jınaǵynyń somasy 349,5 mlrd teńge, al erikti zeınetaqy jarnasy boıynsha zeınetaqy jınaǵynyń somasy 1,6 mlrd teńgeden asty. 2021 jyldyń basynan beri salymshylardyń shotyna jalpy kólemi 1,2 trln teńge zeınetaqy jarnasy aýdarylǵan, byltyrǵy jyldyń osy kezeńindegi kórsetkishten 439,5 mlrd teńgege nemese 57 paıyz joǵary. Jyl basynan beri BJZQ salymshylaryna shamamen 2,1 trln teńge tólendi, tólemderdiń basym bóligin birjolǵy zeınetaqy tólemi (BZT) qurady, onyń kólemi – 1,9 trln teńge. Tólemder somasy boıynsha ekinshi orynda jasy boıynsha tólemder – 71,6 mıllıard teńge. Odan ári saqtandyrý uıymdaryna aýdarymdar, ol shamamen 47,6 mıllıard teńge, muragerlik boıynsha tólemder – 43,3 mıllıard teńge, Qazaqstan Respýblıkasynan tys tys turǵylyqty turatyn jerge ketý– 29,1 mıllıard teńge, jerleýge – 4,0 mıllıard teńge jáne múgedektik boıynsha tólemder - 1,6 mıllıard teńge.